यातायात नियम होही सख्त, शराब पीके वाहन चलाने वाला उपर लगही 10 हजार के अर्थदंड

0
110
traffic_police

नईदिल्ली-

देश में यातायात नियम अब अउ कडा होने वाला हे। अब यातायात नियम तोड़ही त भारी अर्थदंड लगही | शराब पीके वाहन चलाने वाला उपर 10 हजार रुपए के फाइन लगही। केंद्रीय मंत्रिमंडल ने मोटर व्‍हीकल बिल में संशोधन के विधेयक ल मंजूरी दे दिये गेहे । अब सड़क दुर्घटना अउ नियम के उल्लंघन करही त भारी भरकम जुर्माना देना होही। येकर साथ ही ड्राइविंग लाइसेंस ल डिजिटल रूप से अउ सुरक्षित बनाय के घलो प्रावधान करे गेहे । वाहन रजिस्‍ट्रेशन में आरटीओ दफ्तर में एजेंट मन के कमीशनखोरी खत्‍म करे बर बिल में संशोधन करे गेहे। जानकारी के मिळत हे की, सरकार कैबिनेट से मंजूर बिल ल मौजूदा बजट सत्र में पेश कर सकत हे। रिपोर्ट के मुताबिक, विधेयक में एंबुलेंस, फायर ब्रिगेड आदि जईसे आपातकालीन यानी इमरजेंसी वाहन ल रास्ता नई दे उपर 10 हजार रुपए तक के जुर्माना लगाय के प्रावधान हे |

विधेयक में करे गे प्रावधान 18 राज्य के परिवहन मंत्री मन के सिफारिश उपर आधारित हे। नवा प्रावधान के तहत किशोर नाबालिक द्वारा गाड़ी चलाते हुए सड़क में कोई अपराध करे के स्थिति में गाड़ी के मालिक/अभिभावक ल दोषी माने जाही अउ वाहन के रजिस्ट्रेशन घलो निरस्त करे जाही । येकर अलावा वाहन मालिक/अभिभावक ल दोषी मानते हुवे तीन साल के सजा के साथ ही 25 हजार रुपए तक के जुर्माना करे जाही।

LEAVE A REPLY

Please enter your comment!
Please enter your name here