यातायात ड्यूटी में तैनात जवान ल गर्मी से राहत दिलाय बर एसी जैकेट, हेलमेट अउ मंकी कैप के दिखाईस डेमो

0
24
ac-helmet

रायपुर-

के यातायात जवान मन ल गर्मी के मौसम में राहत दिलाय बर एसी जैकेट, हेलमेट अउ मंकी कैप देके फैसला करे गेहे। अफसर मन देश भर में जैकेट अउ हेलमेट सप्लाई करने वाला कंपनी ल बुलवाय हे। साथ ही पुलिस मुख्यालय में डेमो घलो दिखाय हे। ये जैकेट गर्मी में बॉडी ल ठंडा अउ ठंडा में बॉडी ल गर्मी के एहसास कराथे येला स्मार्ट जैकेट अउ स्मार्ट हेलमेट के नाम दिये गेहे |

यातायात एडिशनल एसपी एमआर मंडावी ह बताईस कि गर्मी में येकर भीतर के तापमान बाहर से 6 से 12 डिग्री तक कम रथे । इही वजह से पसीना नई निकले अउ गर्मी नई लगे। धूप में रहे के वजह से शरीर में पानी के कमी के समस्या आथे वो समस्या भी दूर हो जही ओहा बताईस कि एसी वाले हेलमेट के वजन करीब 14 ग्राम हे येकर भीतर एक सिस्टम लगे हुवे हे जो सिर के सामने के हिस्सा ल ठंडक पहुंचाही।

येमा एंटीस्क्रैच फाइबरग्लास कस्टमर लगे हुवे हे ताकि मौसम खराब होही त घलो कोई तकलीफ नई होय। कंपनी के दावा हे कि हेलमेट के भीतर के तापमान 10 से 15 डिग्री तक कम रखथे। एएसपी मंडावी ह बताईस कि पीएचक्यू से स्मार्ट जैकेट हेलमेट अउ टोपी के ट्रायल बर जिला में भेजे गेहे | पुलिस मन के ट्रायल के बाद ये तय होही की येला खरीदना हे की नई |

 

 

image-source-google

LEAVE A REPLY

Please enter your comment!
Please enter your name here