वरिष्ठ IAS आरपी मंडल होही छत्तीसगढ़ के नवा मुख्य सचिव

0
23
rp_mandal

रायपुर-

वरिष्ठ प्रशासनिक अधिकारी आरपी मंडल ल छत्तीसगढ़ राज्य के नवा मुख्य सचिव बनाय गेहे । राज्य सरकार के ओर से गुस्र्वार के एक प्रशासनिक आदेश जारी करते हुए ये पद बर ओकर नियुक्ति के हरा झंडा दे दिये गेहे | राज्य के वर्तमान मुख्य सचिव सुनील कुमार कुजूर आज अपन पद से सेवानिवृत्त होईस । आरपी मंडल ओकरे जगह लिही। साल 1987 बैच के आईएएस अफसर मंडल मूल रूप से बिलासपुर के रहने वाला हे मध्यप्रदेश के कई जिला में कलेक्टर के पद में रहे हे।

छत्तीसगढ़ राज्य गठन के बाद काडर के बंटवारा में ओला छत्तीसगढ़ काडर मिलिस अउ ओकर बाद वे बिलासपुर अउ रायपुर में घलो कलेक्टर रिहिस । मंडल राजस्व, आदिवासी विकास, पंचायत, लोक निर्मांण, वन, श्रम विभाग समेत कई विभाग में सचिव रह चुके हे। सचिव रैंक में पहुंचे के बाद घलो सरकार ओला रायपुर के कलेक्टर बनाय रिहिस | बिलासपुर के मल्टीपरपस हायर सेकेंड्री स्कूल से ओकर स्कूल शिक्षा होय हे ।

रायपुर इंजीनिरिंग कालेज से ओहा इलेक्ट्रिकल में बीई करे हे । ओकर बाद खड़गपुर आईआईटी से एमटेक करिस। ओकर बाद ओहा आईएएस के परीक्षा पास करिस। मंडल के सीएस बने के बाद ओकर बैच के सीके खेतान ल राजस्व मंडल के अध्यक्ष बनाय गिस।

 

 

image-source-google

LEAVE A REPLY

Please enter your comment!
Please enter your name here