उमेश पटेल : ये बार युवा महोत्सव में 37 विधाओं में होंही आयोजन

0
28
umesh-patel

रायपुर-

12 से 14 जनवरी तक चलने वाला युवा महोत्सव के शुभारंभ रविवार दोपहर 12 बजे राज्यपाल अनुसुइया उइके करही। समारोह के अध्यक्षता मुख्यमंत्री भूपेश बघेल करही। विधानसभा अध्यक्ष डॉ.चरणदास, मंत्रिमंडल के सदस्य सहित अन्य जनप्रतिनिधि शामिल होंही। येकर जानकारी देते हुवे खेल एवं युवा कल्याण मंत्री उमेश पटेल ह प्रेसवार्ता में कहिस कि ये बार युवा महोत्सव में 18 के बजाय 37 विधाओं में 821 विविध कार्यक्रम होंही | साइंस कॉलेज मैदान में स्वामी विवेकानंद के जयंती में राज्य स्तरीय युवा महोत्सव के आयोजन करे जात हे |

राज्य के युवा मन ल अपन हुनर दिखाय बर प्लेटफार्म देना ये आयोजन के उद्देश्य हे। येमा प्रदेश के करीब 7593 प्रतिभागी शामिल होंही।प्रतिभागी मन के ठहरे बर 32 विभिन्न स्थल में व्यवस्था करे गेहे। युवा महोत्सव में युवा मन के विभिन्न कार्यक्रम के प्रस्तुति बर 10 स्थान निर्धारित करे गेहे जेमा से 3 मंच साइंस कॉलेज मैदान में बनाय गेहे। येकर अलावा खेल संचालनालय के ऊपरी मंजिल स्थित हॉल, पंडित दीनदयाल उपाध्याय ऑडिटोरियम के तीनो हॉल, विज्ञान महाविद्यालय ऑडिटोरियम,पंडित रविशंकर विश्वविद्यालय का प्रेक्षागृह अउ खेल मैदान में कार्यक्रम होंही। ओहा कहिस कि युवा मन बर जेन 37 विधाओं में कार्यक्रम होंही। ओमा मुख्यरूप से पारंपरिक लोक नृत्य, लोकगीत एकांकी नाटक,क्विज प्रतियोगिता, चित्रकला प्रतियोगिता, निबंध, तात्कालिक भाषण,छत्तीसगढ़ी परिधान उपर आधारित प्रतियोगिता आयोजित होही |

येकर अलावा छत्तीसगढ़ी व्यंजन उपर आधारित फूड फेस्टिवल के आयोजन करे जाही। युवा महोत्सव के दौरान खो-खो,कबड्डी के अलावा ग्रामीण पृष्ठभूमि के परंपरागत खेल जईसे भौरा,फुगड़ी,गेड़ी, दौड़ चाल के प्रतियोगिता आयोजित करे जाही। महोत्सव में शास्त्रीय नृत्य, मणिपुरी, ओडीसी ,भरतनाट्यम, कत्थक कुचिपुड़ी के साथ शास्त्रीय संगीत के प्रतियोगिता होगी। महोत्सव में सितार, बांसुरी,गिटार, तबला, वीणा, हारमोनियम,मृदंगम वादन की प्रतियोगिता होही।

ओहा कहिस कि प्रदेश में होय विकास कार्य के एक प्रदर्शनी घलो लगाय जाही। प्रदर्शनी स्थल में संस्कृति अउ पर्यटन विभाग द्वारा राज्य के पर्यटन एवं पुरातात्विक स्थल के संबंध में प्रदर्शनी घलो लगाय जाही। युवा मन के रोजगार संबंधी मार्गदर्शन बर रोजगार कार्यालय के ओर से विशेष स्टॉल बनाय जाही। येकर अलावा कौशल विकास प्राधिकरण के ओर से युवा मन के कौशल उन्नयन बर मार्गदर्शन के व्यवस्था रही। प्रदेश के विभिन्न जिला से आने वाला प्रतिभागी मन बर साइंस कॉलेज मैदान आय एवं जाय बर लगभग 200 बस के व्यवस्था करे गेहे। कानून व्यवस्था अउ सुरक्षा बर 3000 से अधिक जवान तैनात रही। पुलिस सहायता केंद्र अउ आपात चिकित्सा केंद्र के व्यवस्था के साथ चिकित्सक मन के  दल घलो तैनात रही |

 

 

image-source-google

LEAVE A REPLY

Please enter your comment!
Please enter your name here