तेलंगाना में कांग्रेस ल बडे झटका, TRS में शामिल होंही 12 विधायक

0
93
telangana

हैदराबाद-

लोकसभा चुनाव के बाद कांग्रेस ल एक अउ बड़ा झटका लगात हे। तेलंगाना विधानसभा में सत्तारुढ़ टीआरएस ह कांग्रेस मुक्त सदन के तैयारी करत हे । तेलंगाना विधानसभा में कांग्रेस के 18 विधायक हे, जेमा से 12 झन ह स्पीकर के सामने अर्जी देके टीआरएस में विलय के बात कहत हे | कांग्रेस ह लोकसभा चुनाव में तेलंगाना के 17 में से 3 सीट में जीत दर्ज करे हे अउ अब ओला विधानसभा में बड़ा झटका लगत दिखाई देवत हे । यदि अईसे होही त कांग्रेस ईहा विपक्ष के नेता के दर्जा खो देही।

तेलंगाना में दिसंबर 2018 में विधानसभा चुनाव होय रिहिस। कुल 119 में से अभी के स्थिति में टीआरएस के पास 91 विघायक हे। एआईएमआईएम के साथ विधायक भी सरकार के हिस्सा हे। उहे विपक्ष में 18 सीट के साथ कांग्रेस हे, जेकर विधायक के संख्या घटके अब महज 6 रह जही । येकर अलावा टीडीपी, भाजपा अउ निर्दलीय के पास एक-एक सीट हे।

 

image-source-google

LEAVE A REPLY

Please enter your comment!
Please enter your name here