सोनभद्र हत्याकांड : मृतक के परिजन से मिले बर जात रिहिस प्रियंका गांधी ल हिरासत में लिस

0
87
priyanka_gandhi

लखनऊ-

उत्तर प्रदेश के सोनभद्र में होय नरसंहार में मृतक के परिजन से मिले बर जात रिहिस कांग्रेस महासचिव प्रियंका गांधी ल रास्ता में रोक लिये गिस। येकर विरोध में प्रियंका गांधी मिजार्पुर में ही धरना में बईठ गे। धरना में बईथे के बाद पुलिस ह ओला हिरासत में ले लिस। हिरासत में लिए जाय के बाद प्रियंका गांधी ह कहिस कि मोला सोनभद्र जाना हे। येमल ल जिहा ले जाना हे ले जाय में उहा जाहू | प्रियंका गांधी के साथ ओकर समर्थक भी सड़क में बईठे हे। ओकर समर्थक मन यूपी सरकार के खिलाफ नारेबाजी करिस। बुधवार के सोनभद्र जिला में भूमि विवाद ल लेके होय हिंसा में 10 लोगन के हत्या होगे जबकि 24 से भी अधिक लोग घायल होगे।

प्रियंका गांधी ह कहिस कि हमन नई झुकन। हमन शांति के साथ पीड़ित परिवार से मिले बर जात रेहेंन मोला नई पता कि ये मन मोला कहां ले जात हे। पुलिस ह ये सामूहिक हत्याकांड के मामला में 29 लोगन ल गिरफ्तार करे हे अउ बाकी आरोपी मन क तलास जारी हे। ये मामला में 61 लोगन उपर केस दर्ज करे गेहे जेमा से 50 लोगन अज्ञात हे। एक स्थानीय व्यक्ति लल्लु सिंह के याचिका उपर गांव के मुखिया यज्ञदूत अउ ओकर भाई अउ अन्य उपर भी एससी/एसटी अधिनियम के तहत मामला दर्ज करे गेहे।

 

 

image-source-google

LEAVE A REPLY

Please enter your comment!
Please enter your name here