सोना के हिसाब मांगे के तैयारी में सरकार, ला सकत हे ये स्कीम

0
21
Gold

नईदिल्ली-

कालाधन उपर शिकंजा कसे बर मोदी सरकार ह नोटबंदी जईसे फैसला ले रिहिस ठीक वईसे ही सरकार सोना ल लेके बडे कदम उठाने वाला हे । सरकार जल्द ही सोना बर एम्नेस्टी स्कीम ला सकत हे। जानकारी के मुताबिक स्कीम के तहत सोना के हिसाब देना होही अउ बिना बिल वाला सोना उपर टैक्स चुकाना होही। कालेधन के एक बड़ा हिस्सा सोना के रूप में ही मौजूद हे। अभी ये तय नई होय हे की टैक्स के दर काय होही। हालांकि,संकेत दिये हे कि टैक्स 30 प्रतिशत हो सकत हे जो सेस के साथ 33 प्रतिशत होही। बताया जात हे कि सोना के रूप में लाखों करोड़ रुपय के कालाधन हे, जेला सरकार सिस्टम से निकालना चाहत हे।

एक अनुमान के मुताबिक, भारतीय मन के पास मौजूद सोना के स्टॉक करीब 20 हजार टन हे । अक्सर लोग बाजार से बगैर हॉलमार्क के बगैर बिल वाला सोना खरीद लेथे। अईसे सोना खरीदने वाला मन ल भारी परेशानी के सामना करना पड़ सकत हे। बाजार विश्लेषक के अनुसार भू-राजनीतिक अनिश्चितता, केंद्रीय बैंक के ओर से सोने के सतत खरीद अउ रुपए के विनिमय दर के कमजोरी से सोना ये साल के अंत तक 42,000 रुपए प्रति 10 ग्राम के स्तर तक पहुंच सकत हे | बहरहाल सरकार के ये कदम से देश में सोना के दाम गिरे के घलो संभावना हे।

 

 

image-source-google

LEAVE A REPLY

Please enter your comment!
Please enter your name here