शराबी शिक्षक के हरकत से लईका अउ अभिभावक परेशान, शिकायत के बाद घलो नई होत हे कार्यवाही

0
73
school patuwa

कोरबा-

प्राथमिक शाला में पदस्थ एक शराबी शिक्षक के हरकत से पढ़ने वाला लइका अभिभावक सहित ग्रामीण सबो परेशान हे । उक्त शिक्षक ल स्कूल से हटाय बर ग्रामीणों द्वारा बीईओ ल शिकायत के बाद भी आज पर्यन्त तक कोनो कार्यवाही नई  होय से शिक्षक के हौसला अउ बुलंद होगे हे अउ ओहा अपन करतूत से बाज नई आत हे। प्राप्त जानकारी के अनुसार पोड़ी-उपरोड़ा विकासखंड के ग्राम पंचायत पटुवा में संचालित प्राथमिक शाला के एक शिक्षक के शराबखोरी अउ उल्टा सीधा हरकत के कारण विद्यालय में पढ़ने वाला लइका अउ ओकर उनके अभिभावक सहित ग्रामीण त्रस्त हे।

कृपाल सिंह मरकाम ईहा शिक्षाकर्मी के पद में पदस्थ हे। तथा आए दिन शराब के नशा में धुत्त होके स्कूल पहुंचथे अउ लइका मन क  पढाय-लिखाय के बजाय उल्टा सीधा हरकत करथे। कभी-कभी तो  उक्त शिक्षाकर्मी विद्यालय भवन ल ही मयखाना बना लेथे अउ छक्कर शराब पीये के बाद नशा चढे के बाद जमीन में लोटने लगथे ।

शिक्षाकर्मी के हरकत से जहां एक ओर पढ़ाई प्रभावित होथे। उहे दूसरा ओर लईका मन के मानसिकता उपर भी दुष्प्रभाव पड़त हे। अभिभावकों व ग्रामीणों द्वारा शराबी शिक्षक के अनेकों बार शराब नई पीके स्कूल आये के समझाईस दीये गिस लेकिन शिक्षक उपर ग्रामीणों के समझाईस के कोनो भी असर नहीं दिखत हे।

लिहाजा शिक्षाकर्मी के शराबखोरी हरकत से परेशान ग्रामीण ओकर शिकायत पोड़ी उपरोड़ा विकासखंड शिक्षाधिकारी अशोक कुमार चंद्राकर से भी करिस। लेकिन उक्त शिक्षाकर्मी उपर कोनो प्रकार के कोई कार्यवाही आज पर्यन्त तक नई होय हे। लिहाजा ग्रामीण अब कलेक्टर के पास शिकायत लेके जाय के योजना बनात हे।

 

 

image-source-google

 

LEAVE A REPLY

Please enter your comment!
Please enter your name here