शिक्षा मंत्री के जिला में शिक्षा भगवान भरोसा, एक शिक्षक के भरोसा चलत हे स्कूल

0
143
school parvatipur

सूरजपुर-

प्रदेश के स्कूल शिक्षा मंत्री के जिला होय के बाद घलो जिला के शिक्षा व्यवस्था बदहाल हे। प्रेमनगर विकाशखण्ड के एक प्राथमिक शाला एवं माध्यमिक शाला स्कुल में 40-50 छात्र होय के बाद घलो एक शिक्षक के भरोसा पूरा स्कूल के संचालन करे जात हे। जबकि कुछ माह के बाद लईका मन के परीक्षा होना हे। प्रेमनगर विकासखंड के अंतर्गत ग्राम पंचायत पार्वतीपुर में प्राथमिक शाला में प्रधान पाठक आनंद राम उड़ते के देहांत होय के पश्चात एकल शिक्षक बच गेहे। उहे ग्राम सरस्वतीपुर के माध्यमिक शाला में एकल शिक्षक रंजीत कुमार रादरे हे। जबकि ईहा एक अउ शिक्षक रिहिस जेकर तबादला हो चुके हे। जेकर से छात्र के पढ़ाई प्रभावित होत हे ।

आने वाला 2 माह के बाद लईका मन के परीक्षा होना हे। जब तक शासकीय स्कूल में पढ़ाई के गुणवत्ता नई बढ़ही तब तक ग्रामीण क्षेत्र में पढ़ाई के स्तर कम ही रही । जबकि ये स्कूल में बडे संख्या में आदिवासी लईका मन शिक्षा ग्रहण करत हे। जेकर शिक्षा भगवान भरोसा बने हुवे हे। परिजन मन के कहना जल्द ही शिक्षक ईहा नई आही त हम आंदोलन करे बर बाध्य होंबो।

 

 

image-source-google

LEAVE A REPLY

Please enter your comment!
Please enter your name here