सरगुजा में 15 दिन बर धारा 144 लागू, सीएम के मैनपाट प्रवास घलो स्थगित

0
31
Section-144

अंबिकापुर-

अयोध्या फैसला के मद्देनजर सरगुजा जिला में 15 दिन बर धारा 144 लागू कर देहे। आगामी 23 नवंबर तक विभिन्न संगठन से जुड़े लोग एक साथ रैली,सभा, धरना अथवा आतिशबाजी नई कर सके ।शांति सुरक्षा अउ कानून व्यवस्था के मद्देनजर सरगुजा कलेक्टर डॉक्टर सारांश मित्तर ह उक्त आदेश । अयोध्या मसला उपर आय फैसला के बाद सरगुजा जिला में पूरा तरह शांति हे लेकिन पुलिस अउ प्रशासनिक स्तर उपर कोनो भी स्थिति से निपटे बर कड़ा इंतजाम करे गेहे।

फैसला के बाद सांप्रदायिक सौहार्द अउ भाईचारा बने रहे इही उद्देश्य से पुलिस अधीक्षक आशुतोष सिंह के अभिमत के आधार उपर कलेक्टर डॉ सारांश मित्र ह शनिवार सुबह 7 बजे से ही समूचे सरगुजा जिला में धारा 144 लागू करे जाय के आदेश जारी करे रिहिस । ये आदेश 23 नवंबर तक प्रभावशील रही ।

ये अवधि में कोनो भी धरना, सभा, जुलूस के अनुमति नई हे लोक शांति के मद्देनजर जारी ये निर्देश के असर घलो शहरी अउ ग्रामीण क्षेत्र में देखे बर मिलत हे। सरगुजा जिला में बुद्धिजीवी वर्ग सुप्रीम कोर्ट के फैसला के सम्मान करत हे लेकिन उत्साही युवा मन के कुछ संगठन शहर में रैली, आतिशबाजी के तैयारी में लगे हे अईसे में सबो संगठन के लोगन से पुलिस अधिकारी मन व्यक्तिगत रूप से चर्चा कर अईसे कोई भी गतिविधि संचालित नई करे के अपील करे हे जेकर से शहर के शांति सुरक्षा अउ कानून व्यवस्था उपर कोई असर पडे।

 

 

image-source-google

LEAVE A REPLY

Please enter your comment!
Please enter your name here