सगे भतीजा ह साढ़ू भाई के साथ मिलके करिस व्यापारी दंपत्ति के हत्या

0
166
gokul sahu

भिलाई-

रायपुर के व्यापारी दंपत्ति के हत्या मामला आखिरकार पुलिस ह सुलझा लेहे। मामला में पुलिस ह व्यापारी दंपत्ति के सगे भतीजा अउ ओकर साढ़ू भाई ल गिरफ्तार करे हे ।
मामला के खुलासा करते हुए एसपी प्रखर पांडेय ह बताईस कि पकड़े गे आरोपी के नाम गोकुल साहू निवासी ग्राम कारा अउ ओकर साढ़ू भाई मोतीलाल निवासी ग्राम सिंगोला हे। गौरतलब हे कि 30 मई के सुबह ग्राम सेमरिया के पास बोरी में एक व्यक्ति के लाश मिले रिहिस। शव के चेहरा स्पष्ट होय के कारण ओकर फोटो वायरल होगे। रविवार के विष्णु के रिश्तेदार ह फोटो ल देखे के बाद पुलिस ल सूचना दिस। पुलिस ह दुर्ग मॉच्युरी पहुंचके शव के पहचान कराईस तब जाके पता चलिस की मृतक के नाम विष्णु साहू रिहिस | अउ दूसरा तरफ रविवार के रात कंडरका चौकी के ग्राम नेवनारा के पास लोर नाला में बोरी में एक महिला के लाश मिले रिहिस । जेकर शिनाख्ती सोमवार के रायपुर के टिकरापारा निवासी विष्णु साहू के पत्नी नीरा साहू के तौर में करे गिस। मृतका के भाई अजय साहू थाना पहुंचके कपडा से शव के पहचान करिस ।

पुलिस ह मामला के जांच में जब छानबीन शुरू करिस अउ शक के आधार में कुछ करीबी मन ल हिरासत में लेके पूछताछ करिस, जेमा हत्याकांड के खुलासा होईस। आरोपी गोकुल साहू ह पूछताछ में बताईस कि ओहा अपन बड़े पिता विष्णु साहू के तार के कारखाना ल 25 हजार रूपय मासिक किराया में लेके चलात रिहिस। विष्णु साहू ल ये किराया कम लगत रिहिस त ओहा येला  दूसरा ल देके बात करत रिहिस । जेकर वजह से गोकुल ल कारखाना छिन जान जाय के डर सता रिहिस। जेकर चलते ओहा हत्या के योजना बनाईस अउ 29 मई के रात अपने बड़े पिता विष्णु साहू ल जमके शराब पिलाईस। जेकर बाद अपन स्वीफ्ट कार से अपन ब्यारा में लाईस अउ रस्सी से गला घोंटके मार दिस | जेकर बाद अपन बड़ी मां नीरा साहू ल घलो कोनो बहाना से ब्यारा लाईस अउ मारे के प्रयास करिस लेकिन सफल नहीं होईस त चाकू से गोद दिस । जेकर बाद अपन साढ़ू मोतीलाल के सहायता से दोनों शव ल बोरा में भरके बड़ी मां के शव बेरला के अकलोर नाला में अउ बड़े पिता के शव गिहरोला के पास फेंकके चल दिस। मामला में पुलिस ह दोनों आरोपी मन के खिलाफ  धारा 302, 34 के तहत गिरफ्तार कर लिये हे ।

 

image-source-google

LEAVE A REPLY

Please enter your comment!
Please enter your name here