सदन से आईस शिक्षाकर्मी मन बर बुरा खबर, 8 साल में होही संविलियन

0
116
vidhan_shabha

रायपुर-

प्रदेश में कांग्रेस के सरकार बने के बाद संविलियन के इंतजार करने वाला शिक्षाकर्मी मन बर एक बुरा खबर हे। संविलियन पूर्व के भांति 8 साल या ओकर से अधिक के सेवा पूर्ण कर चुके शिक्षाकर्मी के होही। पंचायत मंत्री टीएस सिंहदेव ह ये जवाब विधानसभा में अतरांकित सवाल के जवाब में देहे। लालजीत सिंह राठिया के सवाल के जवाब देते हुवे  सिंहदेव ह कहिस हे कि प्रदेश में पंचायत विभाग के अंतर्गत संविलियन से वंचित शिक्षाकर्मी के संख्या 16 हजार 366 हे। व्याख्याता पंचायत के संख्या 8903, शिक्षक पंचायत के संख्या 2224 अउ सहायक शिक्षक पंचायत के संख्या 5239 हे ।

लालजीत सिंह राठिया ह सवाल पूछे रिहिस कि प्रदेश में अभी संविलियन से वंचित शिक्षाकर्मी के संख्या कितना हे अउ ओमन के शिक्षाकर्मी संविलियन कब तक कर दिये जाही। जवाब में मंत्री सिंहदेव ह संविलियन से वंचित शिक्षाकर्मी के  संख्या 16 हजार 366 बताईस। संविलियन के अवधि के बारे में कहिस कि 8 साल या ओकर से अधिक के सेवा पूर्ण करे  उपर संवलियन के प्रक्रिया निर्धारित हे, ओकरे अनुरूप कार्रवाई करे जाही |

बता दें कि शिक्षाकर्मी मन बर कांग्रेस ह अपन घोषणा पत्र में ऐलान करे रिहिस कि 2 साल के सेवा पूर्ण करने वाला  शिक्षाकर्मी के संविलियन कर दिये जाही। ये घोषणा के बाद शिक्षाकर्मी गदगद होगे रिहिस। हालांकि ये जवाब के बाद शिक्षाकर्मी में निराशा बढ़ सकत हे। काबर की शिक्षाकर्मी मन ल ये बात के उम्मीद रिहिस कि राज्य सरकार भले ही पहिली साल किसान के कर्जमाफी के वजह से ओमन ल करे वादा पूरा नई कर पाईस लेकिन अगले साल ओकर मांग जरूर पूरा हो जही। ये जवाब के बाद शिक्षाकर्मी मन में निराशा बढ़ सकत हे |

 

image-source-google

LEAVE A REPLY

Please enter your comment!
Please enter your name here