रेत तस्करी रोके बर खुद पहुंचीस विधायक अंबिका सिंहदेव

0
73
ambika shingh dov

कोरिया-

बैकुंठपुर में रेत के अवैध उत्खनन अउ तस्करी ल लेके लगातार शिकायत अउ निर्देश के बावजूद कार्यवाही नई होते देख विधायक अंबिका सिंहदेव ह खुद 2 नवंबर के मोर्चा थाम लिस अउ अवैध उत्खनन करते हुवे दर्जन भर वाहन ल मौका में पकडिस। विधायक अंबिका सिंहदेव जे जगह पहुंचीस ओ जगह चिरमी, जिहा गेज नदी में रेत के बेधड़क उत्खनन कई दिन से चलत रिहिस। विधायक अंबिका सिंहदेव खुद प्रशासन ल सूचना दे रिहिस अउ आदेश दे रिहिस की येकर ऊपर कार्यवाही हो अउ रेत उत्खनन रुके, लेकिन प्रशासन के ओर से कोई कार्यवाही नई होईस, उलटा रेत उत्खनन के रफ़्तार अउ बढ़गे ।

विधायक अंबिका सिंह देव सुबह सुबह खुद मौका में जा पहुंचीस अउ उत्खनन करत गाडी ल पकडिस। जेमा सात ट्रेक्टर अउ पांच मिनी हाईवा । विधायक के खुद पहुंचे के खबर के बाद पुलिस मौका में पहुंचीस, प्रशासन ल विधायक अंबिका सिंहदेव ह जमके फटकार लगाईस। अंबिका सिंह देव ह कहिस “मेहा कई बार प्रशासन ल कहेव कि, ओ कार्यवाही करें, लेकिन कुछ नेई होईस, त में खुद मौका में पहुंच गेव रेत उत्खनन अउ रेत के तस्करी नई होंन दव।

 

 

image-source-google

 

LEAVE A REPLY

Please enter your comment!
Please enter your name here