रायगढ़ में ज्ञानेश्वरी एक्सप्रेस से पांच करोड़ के सोना के बिस्किट बरामद

0
73
raigarh_biscuit

रायगढ़-

छत्तीसगढ़ के रायगढ़ में ज्ञानेश्वरी एक्सप्रेस के एसी कोच से रेलवे सुरक्षा बल ह पांच करोड़ रुपय मूल्य के सोना के बिस्किट बरामद करे हे। जेला दुबई से भारत लाय जाय के बात कहे जात हे। झारखंड अउ ओडिशा के आरपीएफ के ये संयुक्त कार्रवाई में दो संदिग्ध घलो गिरफ्तार करे गेहे। ओकर मन से पूछताछ चलत हे |

शुक्रवार के हावड़ा से मुंबई जात रिहिस ज्ञानेश्वरी एक्सप्रेस में सोना के तस्करी के इनपुट आरपीएफ ल मिले रिहिस । येकर बाद चक्रधरपुर रेल मंडल के अलावा ओडिशा आरपीएफ ल घलो चौकन्ना करे गेहे ट्रेन के एसी कोच बी-3 में सवार दिनेश यादव अउ राहुल नाम के दो संदिग्ध मिलिस। ओकर तलाशी करे गिस त करीब 12 किलो सोना मिलिस।

संभवत येला हावड़ा या भुवनेश्वर से मुंबई भेजे जात रिहिस। जप्त करे गे सोना के बिस्किट करीब 100 ग्राम वजन के हे अउ येकर कुल मात्रा करीब 12 किलो हे। बाजार में येकर कीमत करीब 5 करोड़ के आस-पास होथे |

 

 

image-source-google

LEAVE A REPLY

Please enter your comment!
Please enter your name here