राम मंदिर उपर सुप्रीम कोर्ट के फैसला के बाद प्रतिक्रिया के दौर, जानव कोन नेता का कहिस ?

0
32
raam mandir

रायपुर-

अयोध्या में राम मंदिर ल लेके सुप्रीम कोर्ट के फैसला के बाद प्रतिक्रिया आना शुरू होगे हे | राज्य के नेता मन घलो जज मन के फैसला के स्वागत करे हे |

कृषि मंत्री रविंद्र चौबे ह कहिस कि सारा देश ल येकर इंतजार रिहिस संविधान के तहत ही हमर हिंदुस्तान संचालित होत हे येमा न्याय सर्वोपरि हे | सर्वोच्च न्यायालय ह जो फैसला देहे, समूचा देश ओला स्वीकार करही |

पूर्व मंत्री प्रेमप्रकाश पांडेय ह कहिस कि उच्चतम न्यायालय ह जो फैसला देहे हम ओकर सम्मान करत हन | मोला लगत हे कि शताब्दि से ये मामला चलत हे| सारा पक्ष ह कहिस कि सुप्रीम कोर्ट के फैसला के हम स्वागत करत हन | उच्चतम न्यायालय के फैसला के बाद अब कुछ नई बचे हे |

सांसद सुनील सोनी ह कहिस कि रामजी के देश हे | देश में रामराज्य आय हर कोई येकर कल्पना करत हे | देश के सरकार ये दिशा में आगे बढ़त हे | कोर्ट के फैसला ऐतिहासिक हे | विवाद अब समाप्त होगे हे | ये फैसला के बाद अब हम देश में रामराज्य स्थापित करे के दिशा में आगे बढ़बो | देश ह ये फैसला के स्वागत करे हे | हर पक्ष ह सुप्रीम कोर्ट के फैसला के सम्मान करे हे |

नेता प्रतिपक्ष धरमलाल कौशिक ह कहिस कि अयोध्या मामला में सुप्रीम कोर्ट के फैसला के हम स्वागत करत हन |ये  फैसला के बाद अब मंदिर निर्माण के मार्ग प्रशस्त होगे हे | मुस्लिम समाज ल घलो 5 एकड़ जमीन दिये जाय के निर्णय लेहे |वर्षों से ये प्रकरण लंबित रिहिस अब जब सुप्रीम कोर्ट के फैसला आ गेहे ये मौका में अपील करत हव कि शांति अउ सद्भावना के बेहतर वातावरण हम सब मिलके बनाबो |

 

 

 

LEAVE A REPLY

Please enter your comment!
Please enter your name here