पूर्व वित्त अउ गृहमंत्री पी चिदम्बरम ल कोर्ट में पेश करही सीबीआई

0
189
pchidambaram

दिल्ली-

28 घण्टा चले लुका छुपी के खेल में आखिर जीत सीबीआई के होईस अउ चिदम्बरम ल कल रात घर मे घुसके गिरफ्तार कर लिये गेहे अउ आज सम्भवतः ओला कोर्ट में पेश करे जाही । ओहा देश के पहिली पूर्व वित्त अउ गृहमंत्री हे जो गिरफ्तार होय हे अउ अब ओकर किस्मत के फैसला कोर्ट तय करही।आईएनएक्स मीडिया केस में ओहा लंबा समय से जमानत में रिहिस हे । सीबीआई ह कल ही ओकर गिरफ्तारी उपर दावा करे हे कि चिदम्बरम के गिरफ्तारी सक्षम अदालत के वारंट के आधार ऊपर होही । कांग्रेस जंहा ये मामला ल बदला के राजनीति बतात हे त भाजपा येला कानूनी कार्रवाई कहके पल्ला झाडत हे। चिदम्बरम के पुत्र कार्ति ह येला अपन पिता ल परेशान करे के बात कहे हे राहुल गाँधी अउ प्रियंका गाँधी चितंबरम के बचाव में आगे आय हे |

कल दिन भर कपिल सिब्बल समेत वकील मन के बड़े फौज चिदम्बरम के जमानत से राहत दिलाय के कोशिश करत हे  मगर सुप्रीम कोर्ट से घलो राहत नई मिले के बाद लापता चिदम्बरम अचानक प्रकट होईस अउ कांग्रेस कार्यालय में प्रेस कांफ्रेंस करिस ।भारी  हंगामा अउ कांग्रेस कार्यकर्तामन के विरोध के बीच सीबीआई ओला हिरासत में लिस | सीबीआई के कहना हे कि ओला आज सक्षम अदालत में पेश करे जाही ।जंहा सीबीआई ओकर से जरूरी पूछताछ बर अपन रिमांड में लेके कोशिश करही त उहे चिदम्बरम के वकील ओकर जमानत में रिहा कराय के कोशिश करही।

 

 

image-source-google

LEAVE A REPLY

Please enter your comment!
Please enter your name here