प्रदेश में लोकसभा चुनाव में भाजपा ह 11 नवा चेहरा उपर लगाय हे दांव

0
198
bjp

रायपुर-

प्रदेश में भारतीय जनता पार्टी ह हाल ही में होवईया लोकसभा चुनाव बर 11 नवा चहेरा उपर दांव खेलत हे। भाजपा में लंबा समय से पुराना नेता मन ल टिकट दिये जात रिहिस हे, लेकिन ये चुनाव में छत्तीसगढ़ से नवा चहरा ल मौका देके लोकसभा चुनाव लडे जाही।

ये फैसला से कार्यकर्ता में खुशी के लहर साफ दिखाई देवत हे। पूर्व मुख्यमंत्री डॉ. रमन सिंह ह कहिस कि भारतीय जनता पार्टी 2019 के लोकसभा चुनाव में छत्तीसगढ़ में नवा चहरा ल मौका देके मैदान में उतारही। छत्तीसगढ़ में लोकसभा चुनाव टिकट जेन ल भी दिये गेहे ओहा ये साल विधानसभा नहीं लड़े हे ।

डॉ. रमन सिंह ह ये घलो कहिस कि नवा चहरा ल टिकट मिले से कार्यकर्ता में खुशी के लहर हे । कांग्रेस के 55 साल अउ नरेन्द्र मोदी के पांच साल विकास ल लेके भारतीय जनता पार्टी चुनाव लड़ही। भारतीय जनता पार्टी के हर कार्यकर्ता नरेन्द्र मोदी के विकास, भारत के सिपाही नरेन्द्र मोदी के नाम से जनता के बीच जाके वोट मांगही । छत्तीसगढ़ के 11 सीट में भारतीय जनता पार्टी के जीत होही अउ केंद्र में एक बार फेर भाजपा के सरकार बनही।

 

image-source-google

LEAVE A REPLY

Please enter your comment!
Please enter your name here