PNB घोटाला के भगोड़ा लंदन में होईस गिरफ्तार, 3.30 बजे कोर्ट में करही पेश

0
201
nirav modi

नईदिल्ली-

लंदन में बेखौफ घुमने वाला भगोड़ा नीरव मोदी अब पुलिस के गिरफ्त में आ गेहे। बुधवार के लंदन पुलिस ह नीरव मोदी ल गिरफ्तार करे हे। करीब 13 महीना पहिली 13 हजार करोड़ के पीएनबी स्कैम में भारतीय जांच एजेंसी ल नीरव मोदी के तलाश रिहिस हे। येकर पहिली सोमवार के ब्रिटेन के वेस्टमिंस्टर कोर्ट में नीरव मोदी के खिलाफ गिरफ्तारी वारंट जारी करे हे।

हालांकि पुलिस 25 मार्च तक नीरव मोदी ल कोर्ट में पेश करही। दरअसल बैंक के 13 हजार करोड़ लेके फरार नीरव मोदी पिछले दिन लंदन के सड़क में अपन भेस बदलके बेखौफ घूमत दिखाई देहे। जबकि येकर खिलाफ रेड कॉर्नर नोटिस जारी हो चुके हे

जेकर बाद ब्रिटेन के वेस्टमिंस्टर कोर्ट ह ये मामला ल गंभीरता से लहे। हालांकि गिरफ्तारी के बाद नीरव मोदी के पास जमानत बर कोर्ट जाय के विकल्प हे। कोर्ट से नीरव ल सशर्त जमानत मिल सकत हे। उहे नीरव मोदी ल लेके केन्द्र सरकार ल लगातार आलोचना के सामना करे बर पड़त हे ।

 

 

image-source-google

LEAVE A REPLY

Please enter your comment!
Please enter your name here