पीएम मोदी ल मिलिस सियोल के शांति पुरस्कार

0
198
award

नईदिल्ली-

अपन दक्षिण कोरिया यात्रा के दूसरा दिन प्रधानमंत्री नरेंद्र मोदी ह ईहा शहीद मन ल श्रद्धांजलि दिस। येकर बाद ओहा दक्षिण कोरिया के राष्ट्रपति मून जे-इन से मुलाकात करिस। प्रधानमंत्री नरेंद्र मोदी ल ईहा सियोल शांति पुरस्कार से सम्मानित करे गिस।

ये पुरस्कार से सम्मानित होने वाला प्रधानमंत्री मोदी पहला भारतीय व्यक्ति बनिस हे। प्रधानमंत्री नरेंद्र मोदी ह कहिस कि ये अवॉर्ड ल ओहा भारत के नागरिक मन ल समर्पित करिस हे। ओहा कहिस कि आज दुनिया ह भारत के वसुधैव कुटुम्बकम नीति ल अपनाय हे। प्रधानमंत्री बोले कि भारत ह हमेशा दुनिया ल शांति के संदेश देहे, ओहा ये दौरान उहा शांति पाठ घलो करिस हे ।

प्रधानमंत्री मोदी ह कहिस कि ये अवॉर्ड महात्मा गांधी के 150वीं जयंती के अवसर में मिलत हे, ये काफी बडे बात हे। पीएम मोदी बोलिस कि ओला ये सम्मान के साथ जो राशि मिले हे, ओहा ओला नमामि गंगे के फंड में भेंट करना चाहत हे।

प्रधानमंत्री ह कहिस कि आज भारत दुनिया के सबसे तेज बढ़ने वाला अर्थव्यवस्था हे, हमार सरकार ह आर्थिक क्षेत्र में कई अईसे फैसला लेहे जेहा जमीन उपर बडे काम करे हे। पीएम ह ये दौरान स्वच्छ भारत, उज्ज्वला योजना, जनधन खातों, आयुष्मान भारत जैसी योजना के जिक्र भी करिस।

प्रधानमंत्री ह कहिस कि आज आतंकवाद दुनियाभर बर चिंता के विषय बने हे , येकर से लड़े बर दुनिया ल एकजुट होय के जरूरत हे। आतंकवाद के बीमारी विश्व शांति ऊपर एक बड़ा खतरा हे ।

 

 

image-source-google

LEAVE A REPLY

Please enter your comment!
Please enter your name here