मुख्यमंत्री भूपेश बघेल के बजट उपर चर्चा, ग्रामीण विकास अउ स्वास्थ्य उपर फोकस

0
58
Bhupesh-Baghel

रायपुर-

मुख्यमंत्री भूपेश बघेल ह आज अपन निवास कार्यालय में वित्तीय वर्ष 2020-21 के बजट के तैयारी के समीक्षा करिस। ये सिलसिला में आयोजित बैठक में पंचायत एवं ग्रामीण विकास तथा स्वास्थ्य मंत्री टीएस सिंहदेव से सम्बद्ध विभाग के बजट प्रस्ताव उपर विस्तार से चर्चा करिस। विभागीय मंत्री सिंहदेव अउ वरिष्ठ अधिकारी मन के साथ विचार-विमर्श कर ग्रामीण विकास के रूपरेखा अउ स्वास्थ्य सुविधा ल बेहतर बनाय के दिशा में कारगर कदम उठाय जाय के चर्चा करिस। बैठक में चिकित्सा शिक्षा अउ वाणिज्यिक कर (जी एस टी) विभाग के प्रस्ताव उपर घलो चर्चा करे गिस |

पंचायत मंत्री सिंहदेव के उपस्थिति में आयोजित बैठक में मुख्य सचिव आर पी मण्डल, अतिरिक्त मुख्य सचिव वित्त अमिताभ जैन,अतिरिक्त मुख्य सचिव पंचायत एवं ग्रामीण विकास सुब्रत साहू, मुख्यमंत्री के प्रमुख सचिव गौरव द्विवेदी, सचिव स्वास्थ्य एवं परिवार कल्याण निहारिका बारिक सिंह, सचिव वित्त सुश्री सहला निगार, सचिव वाणिज्यिक कर रीना बाबा साहेब कंगले, राज्य ग्रामीण आजीविका मिशन के प्रबंध संचालक अभिजीत सिंह सहित अधिकारी-कर्मचारी उपस्थित रिहिन ।

येकर पहिली 20 जनवरी के कृषि अउ जल संसाधन मंत्री रविंद्र चौबे के उपस्थिति में बैठक आयोजित कर कृषि एवं बायोटेक्नोलॉजी, पशुपालन, मत्स्य पालन, संसदीय कार्य अउ जलसंसाधन विभाग के बजट से संबंधित प्रस्ताव उपर विस्तृत विचार विमर्श करे गिस |

ये बार छत्तीसगढ़ के बजट एक लाख करोड़ के पार जाय के अनुमान हे। गत वर्ष 2019-20 के मूल बजट 95 हजार 899 करोड़ रिहिस। बाद में तीन बार अनुपूरक बजट पेश होईस। येकर बाद कुल बजट 1 लाख 787 करोड़ रुपया पहुंच गिस। ये लिहाज से ये बार के बजट एक लाख करोड़ स्र्पय से अधिक के होही, अईसे पूर्वानुमान लगाय जात हे |

 

 

image-source-google

LEAVE A REPLY

Please enter your comment!
Please enter your name here