मल्टीप्लेक्स में छत्तीसगढ़ी फिल्म ल स्थान देके मांग ल लेके गृहमंत्री से मिलिस सिनेमा कलाकार

0
379
tamrajdhavaj

रायपुर-

छत्तीसगढ़ी फिल्म से जुड़े कलाकार, निर्माता, निर्देशक अउ अन्य तकनीकी कलाकार के एक दल बुधवार के संस्कृति मंत्री ताम्रध्वज साहू से ओकर निवास में मुलाकात करिस। प्रतिनिधिमंडल ह संस्कृति मंत्री ल बताईस कि मल्टीप्लेक्स के मालिक के द्वारा छत्तीसगढ़ी फिल्म ल ये कहके स्क्रीन नई दिये जात हे कि छत्तीसगढ़ी फिल्म के दर्शक मल्टीप्लेक्स में फिल्म देखे के काबिल नई हे अउ ओहा मल्टीप्लेक्स के मंहगा टिकट नई खरीद सकय । ये कहके ओहा छत्तीसगढ़ी फिल्म ल मल्टीप्लेक्स में स्थान नई देत हे। ये बहुत ही शर्मनाक अउ निंदनीय हे । साथ ही प्रतिनिधिमंडल के कहना हे कि फिल्म विकास निगम के स्थापना तो राज्य में हो चुके हे,किन्तु पिछले 15 वर्ष से कुछ काम नई होय हे |

हमन चाहत हन कि दूसरा राज्य के सिनेमा जईसे मराठी, भोजपुरी सिनेमा के भांति छत्तीसगढ़ी फिल्म ल घलो व्यापक प्रचार-प्रसार अउ सुविधा उपलब्ध हो। संस्कृति मंत्री ताम्रध्वज साहू ह छत्तीसगढ़ी फिल्म प्रतिनिधिमंडल के सदस्य से कहिस कि पहिली मल्टीप्लेक्स संचालक के पक्ष घलो सुना जाही। ओकर बाद ही ये समस्या के कुछ समाधान करे जाही। छत्तीसगढ़ सरकार छत्तीसगढ़ी कला, संस्कृति, धार्मिक न्यास, धर्मस्व ल प्रोत्साहन देके आगे बढ़ाय बर प्रतिबद्ध हे |छत्तीसगढ़ के लोगन ल छत्तीसगढ़ में मान सम्मान मिलना ही चाही। ये हमर मौलिक अधिकार हे साथ ही संस्कृति मंत्री ह समस्त छत्तीसगढ़वासी मन ल अपन दैनिक जीवन में छत्तीसगढ़ी भाषा के अधिक से अधिक प्रयोग करे के आग्रह करे हे ताकि छत्तीसगढ़ी भाषा के व्यापक प्रचार प्रसार हो सके।

 

 

image-source-google

LEAVE A REPLY

Please enter your comment!
Please enter your name here