मध्याह्न भोजन में अंडा परोसना बंद नई होही त धर्मगुरु करही चक्काजाम

0
19
madyan bhojan

सिमगा-

मध्याह्न- भोजन में अंडा परोसना बंद नई करही त शासन के विरोध में कबीर पंथ के धर्म गुरु नेशनल हाइवे जाम कर अनिश्चितकालीन धरना में बैठही। कबीर पंथ के धर्म गुरु पंथ प्रकाशमुनि नाम साहेब ह सरकार ल अल्टीमेटम देते हुए स्पष्ट कर देहे की यदि प्रदेश सरकार 16 जुलाई तक स्कूल में लईका मन ल देने वाला मध्याह्न- भोजन में अंडा परोसना बंद नई करही त 17 जुलाई के ओमन लाखों कबीर पंथि के साथ कबीरधाम नगर दामाखेड़ा में रायपुर- बिलासपुर राष्ट्रीय राज्य मार्ग में चक्काजाम कर अनिश्चितना में बैठबो। जेकर ज्ञापन बुधवार के शासन के नाम प्रतिनिधि मंडल ह एसडीएम अउ थाना प्रभारी सिमगा ल सौंप दिस।

प्रतिनिधि मंडल मे छम्मन वर्मा अउ सरपंच कमलेश साहू ह बताईस कि पंथश्री प्रकाश मुनि नाम साहेब के निर्देशानुसार समीप के ग्राम बावामोहतरा में छह जुलाई के मुख्यमंत्री भूपेश बघेल के प्रतिनिधिमंडल द्वारा निवेदनात्मक ज्ञापन दिये गिस |

जेमा उल्लेख हे कि छत्तीसगढ़ में 35 लाख कबीर पंथी निवास करथे अउ ओकर आहार विहार सात्विक हे। अईसे में स्कूल में मध्याह्न- भोजन में अंडा परोसे जाना दुर्भाग्यपूर्ण हे। शासन के ये निर्णय से कबीर पंथि के मान सम्मान अउ धार्मिक भावना ल ठेस पहुंच ही। उक्त ज्ञापन सौंपे के बाद भी शासन द्वारा उचित निर्णय नई लिये गिस |

ये बात से आहत होके पंथश्री प्रकाशमुनि नाम साहेब ह ऐलान करे हे कि 16 जुलाई तक शासन द्वारा उक्त आदेश ल नई  बदले जाही त 17 जुलाई के ओहा स्वयं लाखों कबीर पंथि के साथ नेशनल हाइवे जाम कर अनिश्चित कालीन धरना में बैठ ही अउ येकर पूरा जवाबदारी शासन प्रशासन के होही |

 

 

image-source-google

LEAVE A REPLY

Please enter your comment!
Please enter your name here