माध्यमिक शिक्षा मंडल ह दिस छात्र मन ल सुविधा, अब ऑनलाइन मिलही माइग्रेशन सर्टिफिकेट

0
141
cgmsm

रायपुर-

 छत्तीसगढ़ माध्यमिक शिक्षा मंडल के ओर से माइग्रेशन सर्टिफिकेट अब जबरन नहीं थमाय जाय | जेन छात्र ल जरूरत होही, ओहा ऑनलाइन आवेदन करके येला आसानी से घर बईथे प्राप्त कर सकत हे। माइग्रेशन सर्टिफिकेट ले बर अब दफ्तर में चक्कर भी नहीं लगाय बर पड़य । दरअसल शिक्षा मंडल ह अपन पुराना नियम में बडे बदलाव करे हे, जो अब लागू होगे हे। छात्र अब अपन माइग्रेशन सर्टिफिकेट ऑनलाइन प्राप्त कर सकत हे।

शिक्षा मंडल के सचिव डॉ. वीके गोयल ह छात्र के हित में फैसला लेते हुए माइग्रेशन सर्टिफिकेट छापने के बजाय शिक्षा मंडल के वेबसाइट में सॉफ्टकॉपी के रूप में अपलोड करा दिये जाही। जेन विद्यार्थी ल जरूरत पड़ही ओहा माइग्रेशन सर्टिफिकेट बर 110 रुपए ऑनलाइन आवेदन के साथ भुगतान करके अपन संबंधित स्कूल के प्राचार्य के लॉगिन के माध्यम से सर्टिफिकेट निकलवा सकथे। जेकर बाद प्राचार्य ही ये माइग्रेशन सर्टिफिकेट में सील अउ मुहर लगाके सत्यापित करही। लिहाजा शिक्षा मंडल के दफ्तर भी जाय के जरूरत नहीं होही । उहे पं. रविशंकर शुक्ल विवि समेत प्रदेश के अन्य विवि में घलो ये फैसला लेहे कि प्रदेश के लईका मन ल पात्रता प्रमाणपत्र बनवाय के भी जरूरत नई हे ।

 

 

image-source-google

LEAVE A REPLY

Please enter your comment!
Please enter your name here