लोकसभा से चिटफंड संशोधन बिल पास, अब नई रहय कोनो डर

0
69
ParliamentofIndia

नईदिल्ली-

चिटफंड के आड़ में होत धोखाधड़ी रोके बर चिटफंड बिल, 2019 लोकसभा से पास हो चुके हे। सरकार ह सोमवार के लोकसभा में चिटफंड बिल 2019  पेश करे रिहिस। अब ये बिल राज्यसभा में पेश करे जाही। पिछले दिनों कई सारा कंपनी के घोटाला सामने आय हे। ये कंपनी चिटफंड के आड़ में कुछ गलत काम करत रिहिस। लेकिन अब सरकार ह 1982 के चिटफंड बिल में बदलाव करे के फैसला लेहे। लोकसभा में येकर से जुडे बिल पेश करे गेहे | बिल पारित होय के बाद चिटफंड कंपनी के बेहतर रेगुलेशन हो सकही। ओमा बेहतर पारदर्शिता हो सकही अउ चिटफंड के नाम में धोखाधड़ी करना मुश्किल हो जही।

चिटफंड संशोधन बिल में कई प्रावधान करे गेहे। जेमा ये घलो कहे गेहे कि चिटफंड कंपनी बेहतर तरीका से विकास कर सके। येकर बर घलो जरूरी प्रावधान होय हे, चिटफंड में व्यक्तिगत अउ कंपनी के निवेश के सीमा बढ़ाय गेहे। चिटफंड में व्यक्तिगत निवेश के सीमा 1 लाख से बढ़ाके 3 लाख रुपय करे के प्रस्ताव रखे गेहे। उहे कंपनी बर ये सीमा 6 लाख से बढ़ाके 18 लाख रुपए करे के प्रस्ताव हे। चिटफंड में कोई भी कंपनी जो भी फैसला लेही ओमा कम से कम दो सब्सक्राइबर के होना जरूरी होही। इही बात के ये प्रावधान करे गेहे। येकर दुरुपयोग न हो येकर घलो येमा प्रावधान करे गेहे ।

 

 

image-source-google

LEAVE A REPLY

Please enter your comment!
Please enter your name here