कवासी लखमा के बयान-अब नई होय किसान के कर्ज माफ

0
173
kawasi_lakhma

धमतरी-

प्रदेश के आबकारी अउ उद्योग मंत्री कवासी लखमा के बड़े बयान से राजनीतिक गलियारा में खलबली मचा देहे। धमतरी प्रवास के दौरान मीडिया से चर्चा करते हुए लखमा ह कहिस कि एक बार किसान के कर्जा माफ कर दिये गेहे, अब आने वाला साल में सरकार किसान के कर्ज माफ नई करय। मंत्री लखमा ह कहिस कि कर्जमाफी के बाद किसान मन अधिक मात्रा में बैंक से कर्ज लेहे। ओहा कहिस कि भूपेश सरकार ह किसान मन के धान 2500 रुपए में लेके ऐलान करे रिहिस अउ जब तक ये सरकार हे किसान के धान इही कीमत में खरीदही ।

मंत्री कवासी लखमा अपन बयान ल लेके लगातार मीडिया के नजर में हे। कुछ दिन पहिली ओहा अपन गृहग्राम में बलि प्रथा फिर से प्रारंभ करे के बात कहे रिहिस। ये बयान ल लेके घलो सियासी गलियारा में बवाल मचे रिहिस। हालांकि सीएम भूपेश बघेल ह मामला ल शांत करते हुए कहिस कि ओला समझाय जाही। ये मामला शांत होते ही एक बार फिर से बड़ा बयान सामने आत हे। कर्जमाफी के जेन घोषणा के बदौलत छत्तीसगढ़ में कांग्रेस पार्टी के बडे जीत होय हे उही घोषणा उपर दिये बयान ह एक बार फिर राजनीतिक गलियारा में खलबली मचा देहे ।

 

image-source-google

LEAVE A REPLY

Please enter your comment!
Please enter your name here