जवाहर बाजार फ्रूट मार्केट तोडे बर पहुंचिस निगम अमला, विधायक विकास उपाध्याय ह निगम आयुक्त ले मांगीस 2 दिन के समय

0
93
jvahar bazar

रायपुर-

राजधानी के मालवीय रोड में स्थित जवाहर बाजार के दुकान मन ल नोटिस मिले के बाद घलो खाली नई करे हे। गुरुवार सुबह निगम अमला पूरा दलबल के साथ दुकान ल खाली कराय बर पहुंचिस। निगम के टीम ल देखके दुकानदारों में हड़कंप मचगे । जानकारी मिलते ही विधायक विकास उपाध्याय मौका में पहुंचिस अउ नगर निगम कमिश्नर से बात करके 2 दिन के मोहलत मांगीस। जेकर बाद निगम ह दुकानदार मन ल दो दिन के वक्त देहे। कमिशनर के माने त परसों तक दुकान खाली करा लिये जाही ओकर बाद आगे निर्माण कार्य शुरू करे जाही | रेनोवेशन के काम के चलते दुकानदार ल दुकान खाली करे के नोटिस भेजे जा चुके हे। लेकिन नोटिस मिले के बाद भी कोनो भी दुकानकार दुकान खाली नई करे हे |

निगम के टीम गुरुवार के दल-बल के साथ जवाहर बाजार पहुंचिस। जेसीबी अउ दूसरे बडे गाडी ल देखके दुकानदार मन के होश उड़गे । जवाहर मार्केट शहर के पुराना अउ मुख्य बाजार हे। भारी ट्रैफिक के कारण शाम के वक्त यहां से गुजरना दूभर हो जाथे। ट्रैफिक के समस्या से निजात दिलाय बर सड़क किनारा के दुकान ल मार्केट के अंदर निर्माणाधीन बिल्डिंग में शिफ्ट करना चाहत हे। इही बात से नाराज दुकानदार अपन दुकान छोडे बर तैयार नहीं हे। हालांकि समझाइश के बाद सहमति बन चुके हे।

 

 

image-source-google

LEAVE A REPLY

Please enter your comment!
Please enter your name here