झुग्गीवासी मन ल निगम के नोटिस, भाजपा नेता से मिलिस वार्डवासी

0
43
sanyaj shreevastav

रायपुर-

महर्षि वाल्मिकी वार्ड के अंतर्गत राजीव गांधी नगर में निगम ह नोटिस देके झुग्गीवासी मन ल लाभाण्डी में स्थानान्तरित करे बर कहे हे। नोटिस से आक्रोशित राजीव गांधी नगर वासी मन आरडीए के पूर्व अध्यक्ष अउ भाजपा प्रदेश प्रवक्ता संजय श्रीवास्तव से ओमन ल उहे मकान देके गुहार लगाईस हे। समस्याएं सुनके संजय श्रीवास्तव ह झुग्गीवासी मन ल आश्वस्त करे हे कि ओहा आयुक्त से चर्चा कर निराकरण करही।

भाजपा प्रवक्ता संजय श्रीवास्तव ह कहिस कि केन्द्र सरकार के योजना के अंतर्गत झुग्गीवासी ल जहां वे काबिज हे उहां ओला मकान बर राशि प्रदान करे जाथे। ओमन ल दूसरा जगह स्थानान्तरित करना ठीक नई हे। येकर कारण लोगन ल  रोजगार अउ शिक्षा के समस्याएं उत्पन्न होथे। भाजपा प्रवक्ता श्रीवास्तव ह निगम आयुक्त से मांग करे हे कि राजीव गांधी नगर के निवासी मन ल उहे मकान बनाके प्रदान किये जाय | ये दौरान संजय साहा, देवा ताण्डी, सुभाष बाघ, प्रेम विश्वकर्मा, सुनील साहू, संतोष कुमार, संतोष सोनी व प्रेम साहू मौजूद रिहिस।

 

 

image-source-google

LEAVE A REPLY

Please enter your comment!
Please enter your name here