जीएसटी रिटर्न : जीएसटी रिटर्न बर कारोबारी मन ल बड़े राहत

0
25
gst

रायपुर-

जीएसटी विभाग के ओर से कारोबारी मन ल एक बडे राहत दिये गेहे। बताय जात हे कि अब डेढ़ करोड़ से कम टर्न ओवर वाला कारोबारी मन ल जीएसटी रिटर्न भरना आवश्यक नई हे हालांकि 30 नवंबर तक जीएसटी रिटर्न दाखिल करना जरूरी हे। जेमा सालाना रिटर्न 1.5 करोड़ से ज्यादा टर्नओवर वाला कारोबारी मन बर अउ जीएसटी ऑडिट दो करोड़ से ज्यादा टर्नओवर वाला कारोबारी मन बर । विभागीय अधिकारी से मिले जानकारी के अनुसार येकर साथ ही कारोबारी मन ल एक बडा राहत घलो दिये गेहे कि 40 लाख टर्नओवर वाला कारोबारीमन ल जीएसटी में पंजीयन कराय के घलो आवश्यकता नई हे। अब जीएसटी सॉफ्टवेयर ल घलो थोड़ा अपग्रेड करे गेहे, जेकर से जीएसटी रिटर्न भरे के प्रक्रिया थोडा आसान हो गेहे।

विभागीय अधिकारी से मिले जानकारी के अनुसार ये जीएसटी रिटर्न पहली बार भरा जाना हे अउ ये एक जुलाई 2017 से लेके 31 मार्च 2018 के जीएसटी रिटर्न होही।

राजधानी में जीएसटी में करीब एक लाख कारोबारी पंजीकृत हे। जेमा से 40 फीसद 1.5 करोड़ से ज्यादा टर्नओवर वाला हे। पांच फीसद दो करोड़ से अधिक वाला हे अउ 55 फीसद अईसे हे, जेकर टर्नओवर 1.5 करोड़ से कम हे |

 

 

image-source-google

LEAVE A REPLY

Please enter your comment!
Please enter your name here