देश ल मिलिस बड़े उपलब्धि, अंतरिक्ष में मार गिराई लाइव सैटेलाइट

0
230
Modi-2

नईदिल्ली-

आज हमर देश ल बहुत बड़े उपलब्धि हासिल होय हे प्रधानमंत्री नरेंद्र मोदी ह राष्ट्र के नाम अपन संबोधन में अंतरिक्ष में भारत के शक्ति के जानकारी दिस।प्रधानमंत्री ह अपन संबोधन में कहिस कि भारत ह अंतरिक्ष में एक लो ऑर्बिट लाइव सैटेलाइट मार गिराय हे।ये सेटेलाइट एंटी सेटेलाइट मिसाइल के माध्यम से महज 3 मिनट में मार गिराइस ।

प्रधानमंत्री ह अपन संबोधन में डीआरडीए अउ अंतरिक्ष एजेंसी ल बधाई देते हुए कहिस कि ये ऑपरेशन के सफलता के बाद भारत अमेरिका, रूस अउ चीन के बाद दुनिया के चौथा देश बन गेहे जेन ल ये सफलता प्राप्त होय हे । प्रधानमंत्री ह कहिस कि ये ऑपरेशन से कोनो भी तरह के अंतरराष्ट्रीय नियम नई तोड़े गेहे कोनो भी देश के खिलाफ नई हे। हमर उद्देश्य देश अउ दुनिया में शांति बनाए रखना है न कि युद्ध करे बर उकसाना।

प्रधानमंत्री मोदी ह अपन संबोधन में कहिस कि मिशन शक्ति एक मुश्किल ऑपरेशन रिहिस हे लेकिन येला लॉन्च करे के तीन मिनट के भीतर ही पूरा कर दिस। आज अंतरिक्ष में हमर पास कई सैटेलाइट्स हे जो कृषि, डिजास्टर मैनेजमेंट, संचार, मौसम अउ नेविगेशन में योगदान देहे। मिशन शक्ति भारत के सुरक्षा के दिशा में महत्वपूर्ण कदम हे। मोदी जी ह कहिस की ये उपलब्धि काकरो खिलाफ उपयोग करे बर नो हय बल्कि खुद के सुरक्षा बर हरे।

ये उपलब्धि के बाद मिशन शक्ति भारत ल दुनिया के कई देश के ऊपर लेके आ सकत हे। येकर फायदा आने वाला भविष्य में यदि कोई दुष्मन देश के सैटेलाइट भारत के जासूसी करते पाय जाही त भारत ओला अपन मिसाइल के माध्यम से अंतरिक्ष में नष्ट कर सकत हे |

 

 

image-source-google

LEAVE A REPLY

Please enter your comment!
Please enter your name here