CM भूपेश ह धान खरीदी के मुद्दा उपर कहिस ,किसान के हक बर अब केंद्र से लड़बो लड़ाई

0
27
cm bhupesh

रायपुर-

समर्थन मूल्य उपर धान खरीदी के मुद्दा ल लेके केंद्र अउ राज्य सरकार में चलत तनातनी के बीच छत्तीसगढ़ के मुख्यमंत्री भूपेश बघेल ह अब कहिस कि केंद्र सरकार से राज्य सरकार अब एक भी पईसा नई ले, लेकिन किसान मन ल धान के वाजिब दाम जरूर दिये जाही। राज्य में कांग्रेस सरकार ह किसान के धान के समर्थन मूल्य 25 सौ रुपय देके वादा करे हे, लेकिन येकर से आर्थिक संकट ल देखते हुवे राज्य सरकार ह केंद्र से नियम में सिथीलता बरते के मांग करे हे । राज्य सरकार ह ये संबंध में केंद्रीय खाद्य मंत्री ल पत्र घलो लिखिस लेकिन येकर से कोई सकारात्मक परिणाम सामने नई आईस। केंद्र के ओर से ये बारे में जारी बयान में कहे गेहे कि यदि किसान ल 25 रुपय समर्थन मूल्य दिये जाही त येकर से बाजार में अस्थिरता आ जही।

धान खरीदी के मुद्दा उपर केंद्र ल घेरे बर कांग्रेस ह मंगलवार के एक सर्वदलीय बैठक घलो बुलाय रिहिस, जेमा भाजपा के सांसद अउ विधायक नदारद रिहिन। मुख्यमंत्री भूपेश बघेल ह बुधवार के अपन बयान में कहिस कि छत्तीसगढ़ सरकार किसान मन के धान के उचित बोनस देना चाहत हे, तेकर सती केंद्र सरकार ह धान खरीदी उपर रोक लगा देहे। हमन तो मोदी सरकार से आग्रह करे हन कि ओहा 32 लाख मीट्रिक टन धान खरीदें। हम साथ चाहत हन, लड़ाई नई, लेकिन बात हक के हे अउ हक बर अगर लड़ाई घलो लड़ना पड़ही त लड़बो ।

 

 

image-source-google

LEAVE A REPLY

Please enter your comment!
Please enter your name here