सीएम भूपेश बघेल : मोदी ह छत्तीसगढ़ के साथ सौतेला व्यवहार करे हे

0
343
bhauupaesa_baghaela_1

रायपुर-

मुख्यमंत्री भूपेश बघेल ह आज राजीव भवन में आयोजित पत्रकार वार्ता में कहिस कि प्रधानमंत्री नरेन्द्र मोदी के आज छत्तीसगढ़ में दूसरा दौरा हे। पिछले दौरा में हमन जे कुछ सवाल पूछे रेहे हन जेकर जवाब आज तक नई आय हे। नरेंद्र मोदी जब से प्रधानमंत्री बने हे तब से आज तक केवल छीने हे जेला रमन सिंह चुप देखे हे ।

ओहा पीएम मोदी उपर प्रदेश के साथ सौतेला व्यवहार करे के आरोप लगाय हे। छत्तीसगढ़ ल मिलने वाला सुविधा में कटौती  करे हे। रमन सिंह के सरकार ह इसी कारण से तीन साल बोनस नई दिस। येकर खामियाजा किसान ल भुगतना पडिस। मोदी सरकार ह कोयला खदान रद्द करिस, 42 में से 14 आबंटित होईस ।

पहिली जईसे व्यवस्था होतिस त हनम ल 2500 रॉयल्टी मिलतीस , जेकर चलते हमन ल बहुत नुकसान होईस अगर ये हमन ल मिलतिस त हमर राज्य के स्थिति अलग होतीस। उहे छत्तीसगढ़ से गुजरने वाला 125 ट्रेन के संख्या कम कर दीस ये बात से अंदाजा लगाया जा सकथे कि  सरकार ह छत्तीसगढ़ के साथ अन्याय करे हे।

छत्तीसगढ़ ल अनाज देना बंद होगे। जेकर से गरीब मन ल अनाज मिलना बंद होगे। पिछले 15 साल में गरीब के संख्या बढे हे, मिट्टीतेल जतना मिलत रिहिन ओकर ले कम मिळत हे। जेकर से गरीब मन ल दिक्कत होत हे। केंद्र सरकार वनाधिकार में बदलाव करना चाहत हे , ये बदलाव ले आदिवासि मन के जीवन में विपरीत प्रभाव पड़ही। छत्तीसगढ़ में सिर्फ 17000 के लगभग आवास बने हे, मनरेगा के भुगतान अभी तक नई हो पाय हे।

इही देरी के चलते मजदूर मन में ये योजना उपर विश्वास कम होत जात हे। प्रदेश के संस्थान मन में केंद्र से मिलने वाला केन्द्रीय बजट कम या बंद कर दिये गेहे। नरेंद्र मोदी के प्रधानमंत्री बनना छत्तीसगढ़ बर हानिकारक हे , अब केंद्र में कांग्रेस के सरकार आही अउ छत्तीसगढ़ के भला होही ।

 

 

image-source-google

LEAVE A REPLY

Please enter your comment!
Please enter your name here