चिटफंड पीड़ित के पईसा लौटाय के प्रक्रिया में झूठा श्रेय लेत हे सीएम भूपेश: भाजपा के आरोप

0
169
cm

रायपुर-

चिटफंड कंपनी में लोगन के डूबे हुए पईसा लौटाय के प्रक्रिया सेबी के निर्देश उपर शुरू कर देहे। अब ये प्रक्रिया ल लेके भाजपा अउ कांग्रेस में राजनैतिक खींचातानी शुरू होगे।

भाजपा के आरोप हे कि ये प्रक्रिया केंद्र सरकार के पहल उपर शुरू होय हे अउ मुख्यमंत्री भूपेश बघेल येमा झूठा श्रेय हासिल करे के कोशिश करत हे । दूसरा तरफ कांग्रेस ह येला अपन चुनावी एजेंडे में शामिल करे रिहिस हे अउ अब कांग्रेस येकर साथ अपन चुनावी वादा पूरा करे के दावा करत हे ।

भाजपा के ओर से शनिवार के एक ट्विट करे गेहे जेमा लिखे गेहे – ‘भारत सरकार के निर्देश पर पीएसीएल चिट-फंड पीड़ित के पईसा वापस करे के फार्म भरवाए जात हे, लेकिन बदलापुर सरकार येकर श्रेय लेबर विज्ञापन के ढिंढोरा पीटत हे। बदलेश जी कल शायद नेशनल हेराल्ड कब्जा मुक्ति के भी श्रेय लेना चाही !’

येकर पहिली शुक्रवार के मुख्यमंत्री भूपेश बघेल ह एक ट्विट करते हुए चिटफंड पीड़ित के पईसा वापस दिलाय के अपन वादा पूरा करे के बात कहे हे।

ओहा अपन ट्विट में लिखे हे- जो कहा, सो किया। वादा के अनुसार लाखों चिटफंड पीड़ित के डूबे हुए पईसा के वापसी के औपचारिक प्रक्रिया आज से शुरू होगे। आप अपन जनपद पंचायत में निःशुल्क सुविधा केंद्र में जाके फॉर्म भर सकत हे। पहिली सरकार ह आप मन के जमीन लौटाईस अउ अब आपके पईसा लौटाय के बारी हे ।

 

 

image-source-google

 

LEAVE A REPLY

Please enter your comment!
Please enter your name here