छत्‍तीसगढ़ पीएससी 2018 के परिणाम घोषित, अनीता सोनी के पहला स्‍थान

0
37
cgpsc

रायपुर-

छत्तीसगढ़ पब्लिक सर्विस कमीशन 2018 (पीएससी) के परिणाम मंगलवार देर शाम जारी कर दिये गेहे। टॉप टेन सूची में पहला स्थान मोवा रायपुर के अनिता सोनी के हे ओकर डिप्टी कलेक्टर बनना तय हे। दूसरा स्थान श्रीकांत कोराम ह हासिल करिस। मेरिट में तीसरा स्थान महेश्वरी तिवारी, चौथा राहुल शर्मा, पांचवा सृष्टि देवांगन, छठवां मृणमयी शुक्ला, सातवां राज तिवारी, आठवां अभिसार पांडेय, नौवां रागिनी सिंह अउ दसवां स्थान भूमिका देसाई ह हासिल करिस| राज्य सेवा परीक्षा 2018 साक्षात्कार के टॉप टेन के जानकारी छत्तीसगढ़ पीएससी के वेबसाइट में जारी कर दिये गेहे। मेरिट सूची जारी होय के बाद अब नियुक्ति, ट्रेनिंग अउ विभाग के बंटवारा के प्रक्रिया करे जाही |

छत्तीसगढ़ शासन के अधीनस्थ 17 विभाग के 273 पद बर राज्य सेवा, प्रारंभिक परीक्षा 2018 के परिणाम के आधार में छत्तीसगढ़ लोकसेवा आयोग के ओर से कुल चार हजार 128 अभ्यर्थिय मन के राज्यसेवा मुख्य परीक्षा 2018 बर प्रावधिक आधार में चित्रांकन करे गेहे। मुख्य परीक्षा 2018 के लिखित परीक्षा के बाद 821अभ्यार्थिय मन के इंटरव्यू लिये गे रिहिस  |

LEAVE A REPLY

Please enter your comment!
Please enter your name here