छत्तीसगढ़ : बंगाल के खाड़ी में बनत हे मजबूत सिस्टम, अच्छा बारिश के संभावना

0
121
barish

रायपुर-

 छत्तीसगढ़ में एक बार फेर मानसून के हलचल बढत हे। येकर मुख्य कारण बंगाल के खाड़ी में बनने वाला एक समुद्री चक्रवात हे, जेहा धीरे-धीरे आगे बढ़त हे। येकर असर हवा, पानी के रूप में दिखत हे । एक से तीन जुलाई तक अच्छा बारिश के पूर्वानुमान समूचे प्रदेश में हे।

फिलहाल पंजाब से आसाम तक बने द्रोणिका, बंगाल के खाड़ी में उठत चक्रवात प्रदेश ल तरबतर करत हे। गर्मी थोडा कम होय हे। शुक्रवार के सुबह राजधानी रायपुर में करीब 15-20 मिनट तक बारिश होईस, अउ पड़ोसी जिला दुर्ग-भिलाई में शाम के ताबड़तोड़ बारिश होईस।

मौसम वैज्ञानी एचपी चंद्रा के कहना हे कि जुलाई में कम से कम पांच सिस्टम एक के बाद एक बनत हे जेकर वजह से बारिश होथे। कुछ बारिश स्थानीय सिस्टम के वजह से घलो होथे । चंद्रा के मुताबिक अच्छा बारिश के जो पूर्वानुमान पूर्व में जारी करे रेहेन, ओहा काफी हद तक सही साबित होत हे। प्रदेश में 96 से 104 फीसद तक बारिश हो सकत हे।

 

 

image-source-google

LEAVE A REPLY

Please enter your comment!
Please enter your name here