सीबीआई ने गायत्री प्रजापति के घर समेत 22 जगह में छापा मारिस

0
17
gayatri-prajapati

नईदिल्ली-

 उत्तर प्रदेश के पूर्व खनन मंत्री गायत्री प्रजापति के ठिकाना में सीबीआई ह छपामारे हे। खनन घोटाला के जांच करत सीबीआई बुधवार के अमेठी गायत्री प्रजापति के आवास समेत 22 ठिकाना में छापेमारे हे। गायत्री के परिजन से पूछताछ करे जात हे। फिलहाल गायत्री प्रजापति रेप के आरोप में जेल में बंद हे। गायत्री प्रजापति अखिलेश यादव के सपा सरकार में खनन मंत्री रह चुके हे। ओकर उपर अवैध खनन के कई बार आरोप लग चुके हे एक महिला से साथ गैंगरेप के भी आरोपी हे। ये मामला में इलाहाबाद हाईकोर्ट में जमानत के अर्जी लगाय रिहिस मगर कोर्ट ह याचिका खारिज कर चुके हे |

ये मामला में पूर्व मुख्यमंत्री अखिलेश यादव के घलो जांच हो सकत हे। ओहा 2012 से 2017 के मुख्यमंत्री रिहिस। अवैध खनन के मामला 2012-2016 के बीच सामने आय रिहिस | सीबीआई सूत्र के अनुसार इंडिया टुडे ह बताईस कि 2012-2016 के बीच यूपी सरकार की ओर से जारी 22 टेंडर के जाच करत हे। जेमा से 14 टेंडर अईसे हे जो अखिलेश यादव के मुख्यमंत्रित्व काल 2012-13 के बीच के हे। जानकारी मिलत हे की 22 मामला में 14 मामला अईसे हे जो अखिलेश यादव के खनन मंत्री रहे के दौरान होय हे जबकि बाकी मामला गायत्री प्रजापति के समय के हे जब ओहा खनन मंत्री रिहिस |

येकर पहिली जनवरी में भी सीबीआई ह यूपी के कई स्थान में छापेमार कार्यवाही होय हे। वरिष्ठ आईएएस अधिकारी बी. चंद्रकला के नाम भी शामिल हे जेकर घर में छापेमारी होय रिहिस। चंद्रकला बिजनौर, बुलंदशहर अउ मेरठ के कलेक्टर रह चुके हे। अखिलेश यादव सरकार में चंद्रकला अवैध खनन मामला ल लेके प्रकाश में आय रिहिस |

 

 

image-source-google

LEAVE A REPLY

Please enter your comment!
Please enter your name here