बिना मान्यता के छात्र मन के प्रवेश, स्कूल प्रबंधन होही जिम्मेदार

0
83
msm

रायपुर-

माध्यमिक शिक्षा मंडल से मान्यता मिले से पहिली ही कई स्कूल ह विद्यार्थी मन ल प्रवेश दे देहे । शिक्षा मंडल ह पहिली ही आदेश जारी करे हे कि बिना मान्यता प्राप्त स्कूल में विद्यार्थी मन ल प्रवेश नई दिये जाय अन्यथा प्रवेश देने वाला स्कूल के प्रबंधन उपर त्वरित कार्यवाही होही। विद्यार्थी मन के भविष्य के जिम्मेदार भी स्कूल प्रबंधन उपर होही। येकर बावजूद नवा सत्र में छात्र मन ल प्रवेश दे दिये गेहे। मान्यता समिति के बैठक 10 जुलाई के होना तय माने जात हे | 10वीं.-12वीं. के मान्यता बर 178 स्कूल कतार में हे । मिले जानकारी के अनुसार सबो स्कूल के निरीक्षण कर प्रतिवेदन प्राप्त हो गेहे | 10 जुलाई के होने वाला बैठक में प्रतिवेदन परीक्षण के बाद स्कूल ल मान्यता देके बात समिति ह तय करही ।

रायपुर में माध्यमिक शिक्षा मंडल के गाइड लाइन के अनुसार कई स्कूल ये मान्यता के मापदंड के अनुरुप नई हे। जेकर  उपर न कार्यवाही होय अउ न ही ये स्कूल ल मान्यता देने वाला अधिकारी मन येकर सुध लेथे। कारण ये हे कि असल रिपोर्ट फील्ड में अधिकारी तय करथे। लेकिन आला अधिकारी स्कूल ल एक नजर देखे बर तक नहीं जाय। येकर परिणाम पालक अउ बच्चा मन ल भुगतना पड़थे।

 

 

image-source-google

LEAVE A REPLY

Please enter your comment!
Please enter your name here