भूपेश सरकार ह खोलीस बेरोजगार युवा मन बर रोजगार के राह

0
208
cm

रायपुर-

मुख्यमंत्री भूपेश बघेल के नेतृत्व में छत्तीसगढ़ सरकार ह बड़ी संख्या में युवा मन बर रोजगार के राह खोले हे। मुख्यमंत्री ह लोक सेवा आयोग के माध्यम से राज्य के शासकीय महाविद्यालय में रिक्त 40 प्रतिशत सहायक प्राध्यापक के पद ल भरे के घोषणा करे हे।

जेकर तहत राज्य में 27 विषय में 1384 सहायक प्राध्यापक के भर्ती करे जाही। इही तरह स्कूल शिक्षा विभाग में भी 15 हजार शिक्षक के भर्ती करे जाही। लोकसेवा आयोग के ओर से सीएमओ के 35 पद,आयुर्वेदिक व्याख्याता के 17 पद, योजना एवं आर्थिक संख्याकिकी विभाग के सहायक संचालक के 10 पद अउ सिविल जज के 39 पद पर भी भर्ती के प्रक्रिया जारी हे।

अईसे ही स्वास्थ्य सेवा संचालनालय द्वारा 788 स्टाफ नर्सों के भर्ती प्रक्रिया शुरू कर दिए गेहे। येकर अंतर्गत रायपुर संभाग में 238, बिलासपुर संभाग में 128, सरगुजा संभाग में 210 अउ बस्तर संभाग में 212 पद में भर्ती करे जाही ।
छत्तीसगढ़ व्यावसायिक परीक्षा मंडल द्वारा भी विभिन्न विभाग के 424 पद ल भरे के कार्य करे जात हे अउ करीब 506 पद बर आगामी माह में परीक्षा लेके कार्य किये जाही।

मंडल ह विभिन्न विभाग के सहायक रजिस्ट्रार, हार्डवेयर इंजीनियर, साॅॅफ्टवेयर इंजीनियर एवं सहायक प्रोग्रामर, उपअभियंता (सिविल), उपअभियंता (विद्युत यांत्रिकी), उप प्रबंधक (वानिकी), सहायक ग्रेड-3, सूचना सहायक-ग्रेड 1, सूचना सहायक ग्रेड-2, डाटाएन्ट्री आपरेटर, सहायक लाईब्रेरियन एवं लाईब्रेरी सहायक, ट्रांसलेटर अनुवादक, सहायक ग्रेड-3, सहायक ग्रेड-3(कम्प्यूटर) आदि के 424 रिक्त पद बर परीक्षा के माध्यम से भरे के कार्य कराय जाही। मण्डल द्वारा आने वाला समय में स्वास्थ्य सेवा के तहत लैब टेक्नीशियन के 228 पद एवं रेडियोग्राफर के 21 पद, राजस्व विभाग में पटवारी के 250 पद, खादी तथा ग्रामोद्योग बोर्ड में सहायक संचालक के 3 एवं निरीक्षक के 4 पद बर परीक्षा आयोजित करे जाही ।

 

 

image-source-google

 

LEAVE A REPLY

Please enter your comment!
Please enter your name here