भारत करही 2020 फीफा अंडर-17 महिला विश्वकप के मेजबानी

0
176
fut bal

नईदिल्ली-

पुरूष मन के युवा विश्वकप के सफल मेजबानी के बाद भारत ल 2020 अंडर-17 फीफा महिला फुटबाल विश्वकप के मेजबानी के करे के मौका मिले हे। ये फैसला अंतरराष्ट्रीय फुटबाल महासंघ के मियामी में होय परिषद के बैठक में लिये गेहे ।

फुटबाल के वैश्विक संस्था ने मियामी में होय बैठक में रणनीतिक अउ संस्था के अन्य अंतरराष्ट्रीय मुद्दा ल लेके फैसला होईस | भारत ल महिला फुटबाल विश्वकप के मेजबानी हासिल होय से सबसे बडे मौका भारतीय महिला फुटबाल टीम ल होही जेकर पास पहली बार फीफा विश्वकप के अंतरराष्ट्रीय मंच में खुद ल साबित करे के मौका रही।

मेजबान होय के नाते भारत के टीम के सीधा प्रवेश हासिल होही । वर्ष 2018 में स्पेन ह मैक्सिको ल हराके अंडर-17 विश्वकप के खिताब हासिल करे हे जबकि न्यूजीलैंड अउ कनाडा तीसरा अउ चौथा नंबर में रिहिस हे । भारत ल फीफा अंडर-17 पुरूष विश्वकप की सफल मेजबानी के बाद महिला विश्वकप के मेजबानी के घलो मौका मिले हे ।

अंडर-17 पुरूष विश्वकप के निदेशक जेवियर सेप्पी ह भारत ल येकर लिये बधाई दिस। ओहा ट्वीट कर लिखिस, भारत अउ महिला खेल के लिये महत्वपूर्ण खबर। इही बीच भारतीय फुटबाल टीम ह ये खबर के पुष्टि कर अपन खुशी जाहिर करिस । ओहा लिखिस की हमें ये बात के घोषणा करते हुये खुशी होत हे कि भारत ल फीफा अंडर-17 महिला विश्वकप की मेजबानी हासिल होय हे ।

 

 

image-source-google

LEAVE A REPLY

Please enter your comment!
Please enter your name here