आधा रात के होईस आईएएस अउ कलेक्टर के तबादला

0
342
Mahanadi_Bhavan

रायपुर-

राज्य सरकार ह करीब आधा दर्जन कलेक्टर समेत 43 आईएएस के तबादला करे हे| प्रदेश में अईसे पहिली बार होय हे की आधा रात के अतना बड़े सख्या में अफसर मन के तबादला होय हे |

बदलाव के सूची में भाजपा सरकार के करीबी रहे कई अफसर मन ल लूप लाइन में भेजे गेहे। उहे जेन कलेक्टर के खिलाफ चुनाव के दौरान कांग्रेस ह आरोप लगाय रिहिस ओकर मन उपर घलो गाज गिरे हे।

एसके कुजूर ल एसीएस कृषि के साथ-साथ उद्योग अउ वाणिज्य के घलो जिम्मेदारी दे दिये गेहे। उहे आरपी मंडल पहली ले ज्यादा पॉवरफुल होगे हे। मण्डल के पास अब पंचायत के साथ-साथ गृह, जेल परिवहन आयुक्त के घलो चार्ज गे गेहे |

गौरव द्वेदी ल आईटी के साथ माइंस एंड मिनिरल के अतरिक्त प्रभार दे गेहे । सुबोध सिंह ल श्रम अउ सिद्धार्थ कोमल परदेसी ल  खेल एवं युवा कल्याण विभाग दे गेहे। संगीता पी ल आवास एवं पर्यावरण विभाग के जिम्मेदारी मिले हे। रजत कुमार ल समाज कल्याण के संचालक बनाया गे हे ।

संजय अलंग ल बिलासपुर के नवा कलेक्टर बनाय गेहे। जशपुर के कलेक्टर प्रियंका शुक्ला ल स्वास्थ्य विभाग में संयुक्त सचिव बनाय गेहे। उहे नीलेश क्षीरसागर ल जशपुर के नया कलेक्टर बनाय गेहे।

दंतेवाड़ा कलेक्टर सौरव कुमार ल मंत्रालय भेज दिये गिस। नारायणपुर के कलेक्टर टोपेश्वर वर्मा ल दंतेवाड़ा भेजे गिस। यशवंत कुमार ल रायगढ़ के नया कलेक्टर बनाय गिस। महासमुंद कलेक्टर हिमशिखर गुप्ता ल उच्च शिक्षा विभाग में आयुक्त करे गिस ।

पदुम सिंह एक्का ह नारायणपुर के नया कलेक्टर बनिस। रायगढ़ की कलेक्टर शम्मी आबिदी ल आयुक्त हाउसिंग बोर्ड के  जिम्मेदारी दे गिस । जबकि बिलासपुर कलेक्टर पी दयानंद को प्रबंध संचालक समग्र शिक्षा बनाय गिस। अंकित आनंद ल  ऊर्जा विभाग के विशेष सचिव बनाय गेहे।

 

image-source-google

LEAVE A REPLY

Please enter your comment!
Please enter your name here