आय से अधिक संपत्ति मामला में पूर्व प्रबंधक ल तीन साल कैद

0
227
RISVAT

कांकेर-

आय से अधिक संपत्ति के मामला में भंडार गृह निगम चारामा के पूर्व प्रबंधक राघवेन्द्र सिंह क्षत्रीय ल विशेष न्यायाधीश भ्रष्टाचार निवारण अधिनियम प्रशांत शिवहरे ह तीन वर्ष सश्रम कारावास के सजा सुनाय हे । साथ ही एक लाख रुपए के अर्थदंड से भी दंडित करे हे। ये पहिला मामला ये जब जिला में कोनो व्यक्ति ल आय से अधिक संपत्ति के मामला में सजा सुनाय गेहे |

एंटी करप्शन ब्यूरो जगदलपुर ह चार अप्रैल 2006 को आदर्श नगर कांकेर निवासी राघवेन्द्र सिंह के खिलाफ ट्रेप के कार्रवाई करे रिहिस। टीम ल ओकर  निवास से आय से अधिक संपत्ति मिले रिहिस जेला प्रकरण पंजीबद्ध कर न्यायालय में पेश करे रिहिस |

शासकीय अधिवक्ता सौरभमणि मिश्रा ह बताईस कि प्रकरण के विचारण विशेष न्यायाधीश भ्रष्टचार निवारण अधिनियम प्रशांत शिवहरे के न्यायालय में होईस। प्रकरण के विचारण के दौरान प्रस्तुत साक्ष्य व साक्षियों के कथन के आधार में न्यायाधीश ह राघवेन्द्र सिंह ल आय से अधिक संपत्ति के मामला में दोष सिद्ध पाईस |

 

image-source-google

LEAVE A REPLY

Please enter your comment!
Please enter your name here