आपदा पीड़ित के सहायता बर एक अरब 22 करोड़ 98 लाख के आबंटन जारी

0
83
paisa

रायपुर-

राज्य शासन ह राज्य आपदा मोचन निधि के तहत प्राकृतिक आपदा प्रभावित के त्वरित आर्थिक सहायता अनुदान राशि दे बर एक अरब 22 करोड़ 98 लाख पचास हजार रुपय के आबंटन जारी करे हे। प्राकृतिक आपदा प्रभावित परिवार ल अर्थिक सहायता देबर प्रत्येक जिला ल चार करोड़ पचपन लाख पचास हजार रुपय जारी करे हे। राजस्व पुस्तक परिपत्र 6-4 के प्रावधान के तहत सूखा, बाढ़, चक्रवात, भू-स्खलन से प्रभावित लोगन ल सहायता राशि दे जाही। येकर अलावा प्राकृतिक आपदा से क्षतिग्रस्त जल प्रदाय योजना, क्षतिग्रस्त मकान के मरम्मत, पशु हानि, ओला प्रभावित, खदान धसकने से प्रभावित हुए लोग, रसोई गैस सिलेण्डर फटने, आकाशीय बिजली एवं अग्नि दुर्घटना प्रभावित के अनुदान सहायता राशि उपलब्ध कराय जाही।

छत्तीसगढ़ शासन राजस्व एवं आपदा प्रबंधन विभाग द्वारा राज्य के समस्त कलेक्टर ल जारी आदेश के मुताबिक उपरोक्त आबंटन के आहरण आवश्यकता अनुसार करे जाना हे। व्यय के प्रत्याशा में एक मुश्त राशि आहरण के पूर्व राज्य शासन के अनुमति अनिवार्य करे गेहे। जारी आबंटन के खर्च के जानकारी अगले माह के सात तारीख तक राज्य शासन ल भेजे के निर्देश कलेक्टर ल दिये गेहे। आबंटन से अधिक राशि आहरण के स्थिति में तत्काल मांग पत्र शासन ल प्रस्तुत करे बर कहे गेहे। आपदा प्रभावित के सहायता बर आबंटित राशि के उपयोग 31 मार्च 2020 के पहिली करे अउ शेष राशि के नियमानुसार समर्पण करे के निर्देश दिये गेहे ।

LEAVE A REPLY

Please enter your comment!
Please enter your name here