आठ दिन बाद मिलिस लापता एएन-32 विमान के मलबा

0
92
an-32

नईदिल्ली-

असम के जोरहाट से उड़ान भरे के बाद लापता होय वायुसेना के एएन-32 विमान के मलबा आठ दिन बाद मंगलवार के अरुणाचल प्रदेश के पश्चिमी सियांग जिला के लिपो गाँव से 16 किलोमीटर दूर मिले हे।

वायुसेना ह आज एक ट्वीट करे हे जेमा ये बात के जानकारी देहे । बताय जात हे कि तलाश अभियान में जुटे एमआई-17 हेलिकॉप्टर ह लापता होय एएन-32 विमान के मलबा खोज निकालिस। लिपो गाँव से 16 किलोमीटर दूर टाटो तहसील के उत्तर-पूर्व में समुद्र तल से 12 हजार फुट के ऊँचाई में विमान के मलबा मिले हे।

जोरहाट से तीन जून के दोपहर बाद 12.25 बजे उड़ान भरने वाला एएन-32 विमान अरुणाचल प्रदेश के पश्चिमी सियांग जिला में स्थित मेचुका एडवांस लैंडिंग ग्राउंड जात रिहिस। रास्ता में अपराह्न एक बजे के करीब संबद्ध एजेंसि से विमान के संपर्क टूट गे  विमान में चालक दल के आठ सदस्य अउ पाँच अन्य वायुसैनिक सवार रिहिस।

वायुसेना ह बताईस अब विमान में सवार लोगन के बारे में जानकारी हासिल करे जात हे अउ यदि कोई बचे हे त ओकर पुष्टि करे के कोशिश करे जात हे ।

 

 

image-source-google

LEAVE A REPLY

Please enter your comment!
Please enter your name here