500 करोड़ के अंडर ग्राउंड बिजली योजना ल केंद्र से झटका

0
68
under_ground_cable

रायपुर-

छत्तीसगढ़ में अंडर ग्राउंड बिजली योजना के ड्रीम प्रोजेक्ट ल केंद्र से झटका लगे हे। प्रस्ताव भेजे के बाद केंद्र के बजट में प्रावधान नई होय से अब मायूस बिजली कंपनी राज्य सरकार से उम्मीद लगाय बईठे हे। छत्तीसगढ़ स्टेट पावर कंपनी द्वारा रायपुर समेत प्रदेश के चार मुख्य शहर में लगभग 700 किलो मीटर अंडर ग्राउंड बिजली केबल बिछाय बर योजना के प्रस्ताव बनाके केंद्र सरकार ल 2017 में भेजे गिस |

कंपनी द्वारा योजना के अंतर्गत संभावित चार शहर ल शामिल करे हे। येमा मुख्य रूप से रायपुर, बिलासपुर, दुर्ग-भिलाई अउ रायगढ़ हे। दो साल से अटके ये प्रोजेक्ट में बिजली कंपनी ह केंद्र सरकार से ये वर्ष बजट में राशि मिले के पूरा उम्मीद रिहिस, लेकिन बजट आय के बाद अब कंपनी के उम्मीद में पानी फिर गे |

काबर की योजना में इतना बडे राशि कंपनी खुद नई लगा सके, अब राज्य के बजट से बिजली कंपनी ल उम्मीद हे कि ये  योजना में से आधा भी राज्य स्वीकृति दे दिही, ताकि ये योजना से ईहा बिजली व्यवस्था में सुधार हो सके। प्रदेश के बिजली उपभोक्ता ल घलो येकर फायदा मिल सके।

 

 

image-source-google

LEAVE A REPLY

Please enter your comment!
Please enter your name here