46 लाख के ठगी करने वाला फायनेंस अधिकारी गिरफ्तार

0
54
dhokha

रायपुर-

भूखंड, मकान, फ्लैट व दुकान के नाम से फायनेंस कराय के झांसा देके कई लोगन से लाखों रुपए के ठगी करने वाला सिंघानिया बिल्डकॉन के फायनेंस अधिकारी ल आमानाका पुलिस ह गिरफ्तार करे हे। मामला के खुलासा करते हुए एडिशनल एसपी प्रफुल्ल ठाकुर बताईस कि पकड़े गे आरोपी के नाम पुष्पक सर्वटे (29) निवासी मध्यप्रदेश के हरे। आरोपी वर्तमान में आमानाका स्थित सिंघानिया बिल्डकॉन में फायनेंस अधिकारी के पद में कार्यरत रिहिस हे अउ मोहबाबाजार में रहत रिहिस ।

आरोपी ह वर्ष 2017 से करीब 20 क्रेताओं, किरायेदारों व पक्षकारों से कंपनी के रकम 31 लाख 40 हजार रुपए लेके कंपनी में जमा नई करिस अउ अपन उपयोग में खर्च कर दिस। जब ये बात के जानकारी कंपनी के डायरेक्टर सुबोध सिंघानिया ल मिलीस त ओहा येकर शिकायत आमानाका थाना में करिस । मामला में पुलिस ह आरोपी के खिलाफ अपराध दर्ज कर पतासाजी करिस । पुलिस ह आरोपी ल मध्यप्रदेश में गिरफ्तार करे में सफलता प्राप्त करिस। आरोपी ह पूछताछ में बताईस कि अब तक ओहा कई लोगन से करीब 46 लाख के ठगी करे हे। पुलिस ह आरोपी के खिलाफ धारा 406,420 के तहत कार्रवाई करत हे ।

 

image-source-google

LEAVE A REPLY

Please enter your comment!
Please enter your name here