जेल के बाहर सत्याग्रह में बैठिस बेला भाटिया

0
25
bela_bhatia

रायपुर-

सामाजिक कार्यकर्ता अउअधिवक्ता बेला भाटिया बुधवार के जगदलपुर सेंट्रल जेल के बाहर में सत्याग्रह में बैईठे रिहिस हे । ओकर आरोप हे कि जेल प्रबंधन वकील मन के अपमान करथे।

बेला के आरोप हे कि जब ओहा अपन एक क्लाइंट ले मिले बर जेल गे रहिस हे त ओला अपन क्लाइंट ले नई मिलन दिस अउ घंटो तक जेल के बाहर इंतिजार कराईस ये बात ले नाराज होक ओहा सत्याग्रह में बैइठे हे।

सामाजिक कार्यकर्ता बेला भाटिया लंबा समय ले बस्तर में रहने वाला अउ नक्सली उन्मूलन के अभियान में पिस रहे स्थानीय ग्रामीण मन के पैरवी करत हे ।

जेल में बंद कई कथित नक्सल सहयोगी मन के वकील हरे जेकर वजह ले लगातार पिछली सरकार के निशाना में आत रिहिस हे | बेला के कहना हे की करोड़ो खर्चा करके जेल बनाईस मगर वकील अउ कैदी ले मिलईया परिजन मन के बईथे बर कुछु नई बनाय हे |

बुधवार के देर रात तक बेला जी सत्याग्रह ले उठिस हे | ये बात के जानकारी मुख्यमंत्री  भूपेश बघेल ल होईस त ओहा ट्विटर में ये बात के दुःख जताईस अउ बेला जी ल असवासन दिस की आगे से अइसे कोनो घटना नई होय |

 

image-source-google

LEAVE A REPLY

Please enter your comment!
Please enter your name here