दो दिन बाद रायपुर में फेर भारी बारिश के चेतावनी

0
122
barish

रायपुर-

राजधानी समेत जिला के सबो विकासखंड में अब तक जतना भी बारिश होय ये कम हे। खारुन नदी घलो अभी तक अच्छा ले नई भरे हे। आसपास के गांव के तरिया सूखा हे। अईसे में मौसम विज्ञान विभाग के दावा हे कि जल्द ही भारी बारिश होही। छह,सात अउ आठ अगस्त के भारी बारिश हो सकत हे। मौसम विज्ञानी डॉ. एचपी चंद्रा के मुताबिक अभी उत्तरी बंगाल के खाड़ी, पश्चिम बंगाल अउ ओकर से लगे बांग्लादेश, उत्तर-बंगाल के खाड़ी में चक्रवात घेरा बने हुवे हे, जेन ह जमीन से 7.6 किमी तक फैले हे। सोमवार के बादल बढ़ जही | छह,सात अउ आठ के भारी बारिश के चेतावनी हे। ये बार मध्य प्रदेश में घलो येकर असर दिखही |

प्रदेश में रविवार के मानसून सामान्य ही रहीस। कुछ जगह में मध्यम वर्षा दर्ज होईस। रायपुर में सुबह साढ़े आठ बजे तक 1.2 मिमी बारिश रिकार्ड होईस । शाम तक सिर्फ बादल ही छाय रिहिस। शहर से लगे हुए माना एयरपोर्ट में बारिश सिर्फ ट्रेस ही हो पाईस। अभी मानसून द्रोणिका बीकानेर, जयपुर, ग्वालियर, इलाहाबाद, गया, बांकुरा, दीघा, बंगाल के उत्तरी खाड़ी के दक्षिण पूर्व तक स्थित हे अउ समुद्र तल से 1.5 किमी तक फैले हे। येकर अलावा गंगेटिक बंगाल अउ आसपास के, उत्तरी बंगाल के उत्तरी खाड़ी अउ बांग्लादेश के ऊपर चक्रवाती घेरा 7.6 किमी तक फैले हे। ये समुद्र तल से दक्षिण-पश्चिम के ओर झुके हुवे हे |

 

 

image-source-google

LEAVE A REPLY

Please enter your comment!
Please enter your name here